ፈልግ

Vatican News
ር.ሊ.ጳ ፍራንቸስኮስ በቫቲካን በቅድስት መንበር የተለያዩ አገራት አምባሳደሮች ጋር በተገናኙበት ወቅት ር.ሊ.ጳ ፍራንቸስኮስ በቫቲካን በቅድስት መንበር የተለያዩ አገራት አምባሳደሮች ጋር በተገናኙበት ወቅት   (ANSA)

ር.ሊ.ጳ ፍራንቸስኮስ ለዲፕሎማቶች-ወንድማማችነት ለችግሮች እና ክፍፍሎች እውነተኛ መድኃኒት አሉ!

ርዕሰ ሊቃነ ጳጳሳት ፍራንችስኮስ እ.አ.አ ከወራት በፊት ለተጀመረው የ2021 ዓ.ም አዲስ ዓመት በማስመልከት በቅድስት መንበር የተለያዩ የዓለም አገራትን በመወከል በመሥራት ላይ ለሚገኙ  አባሳደሮች እና የዲፕሎማሲ ቡድን አባላት ጋር በቫቲካን በየካቲት 01/2013 ዓ.ም በተገናኙበት ወቅት ቅዱስነታቸው ንግግር ማድረጋቸው ተገልጿል። በአለም አቀፍ ደረጃ በኮሮና በሰፊው የሚስተዋለውን አሁናዊ እና ወቅታዊ የሆነ የኮሮና ቫይረስ ወረርሽኝ ክስተት ጨምሮ የተለያዩ የአለም ክፍሎችን የሚመለከቱ በርካታ ቀውሶችን በመገምገም የወንድማማችነት መንፈስን መፍጠር እና የሕዝቦችን ተስፋ መገንባት ጥላቻን ለማሸነፍ እንደሚረዳ ገልፀዋል።

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

ርዕሰ ሊቃነ ጳጳሳት ፍራንችስኮስ በቅድስት መንበር የተለያዩ የአለማችን አገራትን ከሚወክሉ አምባሳደሮች ጋር በየአመቱ የጎርጎሮሳዊያኑ አዲስ አመት አስመልክተው መደበኛ በሆነ መልኩ በሚደረገው ስብሰባ ላይ በወረርሽኙ ምክንያት በተከሰቱት በርካታ ቀውሶች ላይ እንዲሁም በዓለም ላይ በሚከሰቱ ሌሎች ችግሮች ላይ የወንድማማችነት መንፈስን ማጠናከር በራሱ ለእነዚህ ቀውሶች  እውነተኛ ፈውስ መሆኑን አስገንዝበዋል።

ሆኖም በጣም ከባድ የሆነው “የሰውን ልጅ የግንኙነት ቀውስ ፣ የአጠቃላይ የሰብዓዊ ማንነት ቀውስ መግለጫ ፣ የሰውን ልጅ ፅንሰ-ሀሳብ እና የእሱ ወይም የእርሷ የላቀ ክብርን የሚመለከት ነው” ብለዋል ፡፡ “ወንድማማችነት ለተፈጠረው ወረርሽኝ እና ወረርሽኙ በእኛ ላይ ስላደረሰው ብዙ ክፋቶች እውነተኛ ፈውስ እንደሆነ አምናለሁ ፡፡ ከክትባት ጋር መሳ ለመሳ ወንድማማችነት እና ተስፋ እንደ ሁኔታው ​​ሁሉ በዛሬው ዓለም የምንፈልገው መድኃኒት ናቸው” ብለዋል ሊቀነ ጳጳሳቱ።

ርዕሰ ሊቃነ ጳጳሳት ፍራንቸስኮስ የኮሮና ቫይረስ ወረርሽኝን ለመከላከል ይቻል ዘንድ ይወጣውን የጥንቃቄ መስፈርት በሟሟላት እና በመጠበቅ በቫቲካን በቅድስት መንበር የተለያዩ አገራት አምባሳደሮች ጋር ተገናኝተው በተለያዩ ጉዳዮች ላይ መወያየታቸው የተገለጸ ሲሆን ይህ ስብሰባ ከእዚህ ቀደም በመደበኛነት ይከናወን የነበረው በጎርጎሮሳዊያኑ የቀን አቆጣጠር በጥር 25 እንደ ነበረ ይታወቃል፣ በወቅቱ ቅዱስነታቸው ባገጠማቸው የጀርባ ሕመም ምክንያት ለየካቲት 01/2013 ዓ.ም ተዘዋውሮ እንደ ነበረም ከእዚህ ቀድመ መግለጻችን ይታወሳል።

ቅዱስ አባታችን ፍራንቸስኮስ መሪነት የኮቪድ -19 ወረርሽኝ መከላከያ ጥንቃቄ ከግምት ባስገባ መልኩ ማሕበራዊ ርቀትን በጠበቀ መልኩ የተከናወነ ስብሰባ ሲሆን ማሕበራዊ ርቀት መጠበቅ መለያየትን የሚፈጥር ቢሆንም ቅሉ ስብሰባቸው “የተስፋ ምልክት እንዲሆን ታስቦ” የተደረገ እንደ ሆነ ተግልጿል። በተለያዩ አገራት ውስጥ በእዚህ አስቸጋሪ ሁኔታ ውስጥ ለሚገኙ ቤተስቦች የሚገባው ቅርበት እና የጋራ ድጋፍ ለማድረግ ታስቦ የተካሄደ ስብሰባ እንደ ነበረ የተገለጸ ሲሆን እናም በዚህ መንፈስ በመጪው መጋቢት ወር ቅዱስነታቸው በኢራቅ የሚያደጉት ጉብኝት አመላካች የሆነ ስብሰባ እንደ ሆነ ቅዱስነታቸው አክለው ገልጸዋል።

ቅዱስ አባታችን በመቀጠልም በወረርሽኙ ምክንያት የተቀሰቀሱትን ወይም እርቃናቸውን የወጡትን አንዳንድ ቀውሶችን በመገምገም የበለጠ ሰብአዊ ፣ ፍትሃዊ ፣ ደጋፊ እና ሰላማዊ ዓለምን ለመገንባት የሚያስችሏቸውን ዕድሎች መርምረዋል ፡፡

የጤና ቀውስ

ወረርሽኙ ርዕሰ ሊቃነ ጳጳሳቱ እንደተናገሩት የሰው ልጅን የማይቀሩ ሁለት የሕይወት ልኬቶችን ወይም እጣ ፈንታ ማለትም በሽታ እና ሞት ፊት-ለፊት አምጥቷል ያሉ ሲሆን ከማህፀን ውስጥ ከመፀነስ ጀምሮ እስከ ተፈጥሮአዊ ፍፃሜው ድረስ የእያንዳንዱን ግለሰብ ሕይወት ዋጋ እና ክብሩን ያስታውሳሉ ብለዋል። ቁጥራቸው ከጊዜ ወደ ጊዜ እየጨመረ የመጣ የሕግ ሥርዓቶች የሰዎችን ሕይወት በየደረጃው ከመጠበቅ እና ከማሳደግ ይልቅ የማይቀለበስ ሰብዓዊ ግዴታቸውን የሚሸሹ ይመስላል ብለዋል።

ወረርሽኙ ለእያንዳንዱ ሰው የተከበረ እንክብካቤ የማድረግ መብት እንድናስታውስ አድርጎናል ፣ እናም “እያንዳንዱ ሰብዓዊ ፍጡር የራሱ ወይም የራሷ የመጨረሻ ግብ ያለው/ያላት ሲሆን በጭራሽ እነርሱ በሚሰጡት አገልግሎት ብቻ እንደ መሣሪያ በመጠቀም በእዚህ ስሌት ውስጥ ገብተን የምንገመግመው መሳርያ አይደለም ብለዋል። “ከመካከላችን በጣም አቅመ ደካማ የሆኑ ሰዎች የመኖር መብትን የምናጣ ከሆነ እንዴት ለሌላው መብት መከበር በብቃት ማረጋገጥ እንችላለን?” ሲሉ ቅዱስነታቸው በመንግግራቸው ጥያቄ መሰል አስተያየት አቅርበዋል። የፖለቲካ እና የመንግስት አመራሮች ሁለንተናዊ መሰረታዊ የጤና ክብካቤ ፣ መድኃኒቶች እና የህክምና ተደራሽነትን ለማረጋገጥ ከሁሉም በላይ እንዲሰሩ አሳስበዋል። “ኢኮኖሚያዊ ትርፍን ለማጋበስ ብቻ በማሰብ እና በመጨነቅ በእዚህ መልኩ የጤና አጠባበቅ መስክ መመራት የለበትም” ብለዋል ፡፡ በንጹህ ኢኮኖሚያዊ መመዘኛዎች ላይ ሳይሆን በሁሉም ፍላጎቶች ላይ በመመርኮዝ ክትባቶቹ በእኩልነት እንዲሰራጩ ጥሪ አቅርበዋል ፡፡ ከዚህ አንፃር የክትባቶችን ተደራሽነት አስፈላጊ የሆኑ የመከላከያ እርምጃዎችን በመጠቀም የቫይረሱን ስርጭት ለመግታት የታለመ በኃላፊነት የተሞላ የግል ባህሪ መታጀብ እንዳለበት አሳስበዋል ፡፡

የአካባቢ ቀውስ

ርዕሠ ሊቃነ ጳጳሳቱ ንግግራቸውን ሲቀጥሉ ወረርሽኙ ፣ ምድር ራሷ ተጎጂ እና እንክብካቤ እንደሚያስፈልጋት እንደገና እንድናስተውል የሚያደርገን መልእክት እንዳስተላለፈ የገለጹ ሲሆን ተፈጥሮአዊ በሆነ ልዩነት የተፈጥሮ ሀብቶች ብዝበዛ ያስከተለው የስነምህዳራዊ ቀውስ እጅግ የተወሳሰበ እና ዘላቂ ነው፣ እናም የጋራ የረጅም ጊዜ መፍትሄዎችን ይፈልጋል ብለዋል። እንደ ጎርፍ እና ድርቅ ከፍተኛ የአየር ንብረት ለውጥ ሁኔታ ክስተቶች ፣ የተመጣጠነ ምግብ እጥረት ወይም የመተንፈሻ አካላት በሽታ ያሉ የአየር ንብረት ለውጥ ተጽዕኖዎች ላልተወሰነ ጊዜ የሚቆዩ መዘዞችን ያስከትላል ብለዋል።

ርዕሰ ሊቃነ ጳጳሳት ፍራንችስኮስ በጋራ የመኖሪያ ቤታችን ውስጥ የሚታዩትን እነዚህን ችግሮች ለማስወገድ ዓለም አቀፍ ትብብር አስፈላጊ መሆኑን በመግለጽ እ.ኤ.አ. በሕዳር ወር የተካሄደው የተባበሩት  መንግስታት ድርጅት የአየር ንብረት ለውጥ ኮንፈረንስ (COP26) የአየር ንብረት ለውጥ የሚያስከትለውን መዘዝ በብቃት እንደ ሚፈታ ያላቸውን ተስፋ ገልጸዋል።

በዚህ ረገድ በበርካታ የዓለም ክልሎች ላይ የአየር ንብረት ለውጥ የሚያስከትለውን አሉታዊ ውጤት አስታውሰዋል። በፓስፊክ ውቅያኖስ ውስጥ ብዙ ትናንሽ ደሴቶች ቀስ በቀስ የመጥፋት አደጋ ተጋርጦባቸዋል፣ በደቡብ ምስራቅ እስያ የጎርፍ መጥለቅለቅ ፣ በተለይም በቬትናም እና በፊሊፒንስ የጎርፍ መጥለቅለቅ ለብዙ ሰዎች ሞት እና የኑሮ ውድመት ምክንያት ሆኗል ያሉት ርዕሰ ሊቃነ ጳጳሳቱ እናም የሙቀት መጠን መጨመር በአውስትራሊያ እና በካሊፎርኒያ አውዳሚ የሆነ የሰደድ እሳትን ማስከተሉን አክለው ገልጸዋል።

በአፍሪካ ፣ ቡርኪናፋሶ ፣ ማሊ እና ኒጀር ባለፈው ዓመት በሚሊዮን የሚቆጠሩ ሰዎች በርሃብ እየተሰቃዩ አስቸኳይ የምግብ እጥረት አጋጥሟቸዋል ብለዋል። ከአንድ ሚሊዮን በላይ ጨቅላ ሕጻናት ለርሃብ አደጋ በተዳረጉባት ደቡብ ሱዳን ውስጥ ርዕሰ ሊቃነ ጳጳሳቱ የአገሪቱን ባለሥልጣናት አለመግባባቶችን ለማስወገድ እና ለብሔራዊ እርቅ ሲባል የፖለቲካ ውይይትን እንዲያደርጉ አሳስበዋል ፡፡

ኢኮኖሚያዊ እና ማህበራዊ ቀውሶች

ርዕሰ ሊቃነ ጳጳሳቱ የኮሮናቫይረስ ስርጭትን ለመግታት በመንግስት የተላለፉት የእንቅስቃሴ ገደቦች በተለይም መካከለኛ እና አነስተኛ ንግዶችን በመጉዳት በስራ ላይ አሉታዊ ተፅእኖ በማድረጋቸው በዚህም ምክንያት የቤተሰቦችን እና የመላውን የህብረተሰብ ክፍል በተለይም ደግሞ በጣም ለጥቃት ተጋላጭ የሆኑ የማሕበረሰብ ክፍሎችን እየጎዳ የሚገኝ ክስተት እንደ ሆነ አክለው ገልጸዋል። ይህ የኢኮኖሚ ቀውስ ፣ በዘመናችን ያለውን ሌላ በሽታ አጉልቶ አሳይቷል-በሰዎችም ሆነ በተፈጥሮ ሀብቶች ብዝበዛ እና ብክነት ላይ የተመሠረተ ኢኮኖሚ ምን እንደ ሚመስል ያገለጠ ክስተት ሆኗል ብለዋል። የሚፈለገው የኢኮኖሚ ሂደት የሰው ልጆችን ተጠቃሚ የሚያደርግ እና ለሰው ልጆች አገልግሎት የሚውል መሆን እንደ ሚገባው በአንክሮ የገለጹ ሲሆን “ህይወትን እንጂ ሞትን የሚያመጣ ፣ አካታች እና ሁሉንም ተጠቃሚ የሚያደርግ፣ ሰብአዊ እንጂ ሰብአዊነት የጎደለው ያልሆነ ፣ ለአከባቢያችን ጥበቃ ዋስትና የሚሰጥ ሁሉን አቀፍ ኢኮኖሚ አስፈላጊ” መሆኑን በአጽኖት ገልጸዋል።

የመገለል እና የተዘጉ ድንበሮች ሰለባዎችን በተመለከተ

ርዕሠ ሊቃነ ጳጳሳቱ ንግግራቸውን ሲቀጥሉ ወረርሽኙ በተለይም መደበኛ ባልሆኑ የሥራ ዘርፎች ላይ የተሰማሩ ሰዎችን በተመለከተ የተናገሩ ሲሆን ብዙዎቹ በሕገወጥ ወይም በግዳጅ የጉልበት ሥራ ፣ በዝሙት አዳሪነት እና ሕገወጥ የሰዎች ዝውውርን ጨምሮ በተለያዩ የወንጀል ድርጊቶች ላይ እንዲሰማሩ ያስገደደ እንደ ሆነ አክለው ገልጸዋል። ርዕሰ ሊቃነ ጳጳሳቱ እንዳሉት የብዝበዛውን መቅሰፍት ለማስቀረት እና የአራጣ ፣ ሙስና እና ሌሎች ኢ-ፍትሃዊነትን ለመቋቋም ሲባል የሁሉም ሰዎች መብት መረጋገጥ አለበት ብለዋል። ማህበራዊ ርቀትን መጠበቅ አስገዳጅ የሆነ ሕግ በመሆኑ ምክንያት በኮምፒውተሮች እና በሌሎች ሚዲያዎች ላይ ረዘም ላለ ሰዓታት መቀመጡ በራሱ ድሆች እና ስራ አጥ የሆኑ ዜጎች ማጭበርበር ፣ የሰዎች ዝውውር ፣ ዝሙት አዳሪነት እና የልጆች የብልግና ምስሎችን ጨምሮ ለበይነ መረብ ጥቃቶች ወንጀል ተጋላጭ እንደ ሚሆኑ ቅዱስነታቸው አክለው ገልጸዋል።፡

ርዕሰ ሊቃነ ጳጳሳት ፍራንቸስኮስ በተጨማሪም እንደ ገለጹት በወረርሽኙ ምክንያት ድንበሮች መዘጋታቸው ከኢኮኖሚው ቀውስ ጋር ተደምረው እንደ ሱዳን ፣ ከሰሃራ በታች ያሉ አፍሪካ አገራት ፣ ሞዛምቢክ ፣ የመን እና ሶሪያ ያሉ በርካታ ሰብአዊ ድንገተኛ ሁኔታዎችን እንዳባባሱም ገልጸዋል ፡፡ በአገሮች ላይ የሚጣለውን የኢኮኖሚ ማዕቀብ በተመለከተ ከፖለቲካ መሪዎች ይልቅ በዋናነት ተጋላጭ በሆኑ የህብረተሰብ ክፍሎች ላይ ተጽዕኖ ያሳድራሉ ብለዋል ፡፡ በተሻሻለው የሰብዓዊ ዕርዳታ ፍሰት እንደ ሚቀላጠፉ ያላቸውን ተስፋ ገልጸዋል ፡፡

አሁን ያለው ቀውስ ድሃ አገሮችን የሚጫን እና መልሶ ማገገም እና እድገታቸውን የሚገታውን እዳ መሰረዝ እና እፎይታን ለመስጠት ወይም ቢያንስ ለመቀነስ የሚያስችል አጋጣሚ እንደሆነም ተስፋ እንዳላቸው ገልጸዋል።

ስደተኞች እና ጥገኝነት ጠያቂዎችን በተመለከተ

በተዘጉ ድንበሮች ምክንያት ባለፈው ዓመት የስደተኞች ቁጥር መጨመሩ እና ችግሮቹ እየተባባሱ ስለመሆናቸው ሲናገሩ ርዕሰ ሊቃነ ጳጳሳት ፍራንችስኮስ አክለው እንደ ገለጹት ሰዎች እንዲሰደዱ የሚያስገድዷቸውን ዋና ምክንያቶች በመፍታት እነሱን የሚያስተናግዷቸውን አገራት እንዲደግፉ ጥሪ አቅርበዋል።

ርዕሰ ሊቃነ ጳጳሳቱ የስደተኞች ቁጥር እጅግ መጨመሩን በመጥቀስ በአገር ውስጥ እና ከአገር ውጪ ካሉ ተፈናቃዮች እና ስደተኞች፣ ሁከት ፣ ግጭቶች እና ጦርነቶች ለመሸሽ የተገደዱ በርካታ ተጋላጭ ዜጎች ጋር በመሆን እነሱን ለመጠበቅ አዲስ ቁርጠኝነት እንዲኖር ጥሪ አቅርበዋል ፡፡ በመካከለኛው የሳህል አካባቢም በሀገር ውስጥ የተፈናቀሉ ሰዎች ቁጥር ሃያ እጥፍ አድጓል ብለዋል።

የፖለቲካ ቀውስ

ርዕሰ ሊቃነ ጳጳሳት ፍራንችስኮስ እንደ ማያንማር ባሉ አገራት በወረርሽኙ ወቅት በአንዳንድ አገሮች የፖለቲካ ቀውሶች መባባሳቸውንም ጠቁመዋል። ለማያንማር ሕዝቦች ያላቸውን ቅርበት ሲገልጹ በቅርብ መፈንቅለ መንግሥት በተደረገባት አገር “በቅርብ ዓመታት የተካሄደው የዲሞክራሲ መንገድ በመቋረጥ ላይ ይገኛል” ሲሉ በምሬት ተናግረዋል። የታሰሩት የፖለቲካ አመራሮች “ለአገር ጥቅም የታሰበ ቅን ውይይት ለማድረግ ማበረታቻ ምልክት ሆኖ በፍጥነት እንደሚለቀቁ” ተስፋቸውን ገልጸዋል ፡፡

“የዴሞክራሲው ሂደት” በሁሉም ከተማና ህዝብ ውስጥ በሁሉም የሲቪል ማህበረሰብ አካላት መካከል ሁሉን አቀፍ ፣ ሰላማዊ ፣ ገንቢ እና ተከባብሮ የመግባባት መንገድን መከታተል ይጠይቃል ብለዋል ፡፡ ይህ የፖለቲካ እና የዴሞክራሲ እሴቶች ቀውስ ፣ በአለም አቀፍ ደረጃም እንዳለ ፣ በጠቅላላው ሁለገብ ስርዓት ላይም ውጤቶችን ያሳያል ብለዋል። ነገር ግን የኑክሌር ጦር መሣሪያዎችን በመከልከል እና የጦር መሣሪያ ቅነሳን የመሳሰሉ በመሻሻል ያሉ አበረታች ምልክቶችንም ጠቁመዋል ፡፡

በዚህ ዐውደ-ጽሑፍ መሠረት ርዕሰ ሊቃነ ጳጳሳቱ እ.ኤ.አ. 2021 የሶሪያ ውጊያ ማብቂያ ፣ በእስራኤል እና ፍልስጤማውያን መካከል ቀጥተኛ ውይይት የሚጀመርበት፣ የሊባኖስ መረጋጋት እና የሊቢያ ሰላም እንዲኖር ተመኝተዋል ፡፡ በማዕከላዊ አፍሪካ ሪፐብሊክ እና በአጠቃላይ በላቲን አሜሪካ ያለው ሁኔታ እንዳሳሰባቸው ገልፀው ፣ የፖለቲካ እና ማህበራዊ ውጥረቶች የተመሰረቱት ጥልቅ የሆኑ ልዩነቶች ፣ የፍትህ መጓደል እና የሰዎችን ክብር የሚነካ ድህነት ነው ሲሉ ገልጸዋል። በተጨማሪም በኮሪያ ባሕረ ስላጤ እና በደቡብ ካውካሰስ በተፈጠረው አለመግባባት እንዳሳሰባቸው ገልጸዋል ፡፡

ሽብርተኝነት

ርዕሰ ሊቃነ ጳጳሳት ፍራንችስኮስ የሽብርተኝነት አደጋም እንዳሳሰባቸው የገለፁት ጥቃቱ ባለፉት 20 ዓመታት የተጠናከረ እንደ ሄደ በመግለጽ ሲሆን ከሰሃራ በታች ያሉ የአፍሪካ እና እስያ አገራት እንዲሁም አውሮፓም ይህ ችግር አጋጥሟቸዋል ብለዋል ፡፡ በተለይም በአምልኮ ቦታዎች ላይ በተፈፀሙ ጥቃቶች ቅዱነታቸው እጅግ ማዘናቸውን የገለጹ ሲሆን ባለስልጣናትም የአምልኮ ቦታዎችን የመጠበቅ እና የሃሳብ ፣ የህሊና እና የሃይማኖት ነፃነትን የመጠበቅ ግዴታቸውን እንዲወጡ አሳስበዋል።

የሰዎች ማሕበራዊ ግንኙነት ቀውስ

ሆኖም ርዕሰ ሊቃነ ጳጳሳት ፍራንችስኮስ ከእነዚህ ሁሉ ቀውሶች መካከል በጣም ከባድ ከሆኑት መካከል “የሰውን ልጅ ፅንሰ-ሀሳብ እና የእሱ ወይም የእርሷ ወይም የላቀ ክብሩን የሚመለከት አጠቃላይ ሰብዓዊ የሆነ ቀውስ መግለጫ በመሆኑ ከሰው ልጆች ግንኙነቶች አንዱ ነው” ብለዋል።

በተከሰተው ወረርሽኝ ምክንያት ማሕበራዊ ርቀትን መጠበቅ በተመለከተ እና ብዙውን ጊዜ ብቻችንን እንድንሆን በመደረጋችን የተነሳ እያንዳንዱን ሰው ለሰው ልጅ ግንኙነቶች ያለውን ፍላጎት እያጣ መምጣቱን አስገንዝበዋል። ትምህርት ቤቶች እና ዩኒቨርሲቲዎች በቀጣታ በኢንተርኔት መስመር ትምህርቶችን ለመስጠት በመገደዳቸው የተነሳ ተማሪዎች ወደ እነዚህ መድረኮች በሚሸጋገሩበት ጊዜ ፣ ​​ብዙ ተማሪዎች በተፈጥሮአዊ የትምህርት ሂደት ወደ ኋላ የቀሩ በመሆናቸው በትምህርታዊ እና በቴክኖሎጂ ዕድሎች ላይ ከፍተኛ ልዩነት ታይቷል ብለዋል። “በስርዓተ ትምህርት ላይ የተቃጣ አደጋ” ብለው ቅዱስነታቸው በመጥራት ትምህርት የግለሰባዊነትን ባህል እና ግድየለሽነት ተፈጥሯዊ መከላከያው ስለሆነ በየደረጃው ህብረተሰቡን የሚያሳትፍ ትምህርት ለሁሉም እንዲሰጥ እና የመማር የማስተማር ሂደቱ እንዲታደስ ጥሪ አቅርበዋል።

ጋብቻ እና የቤተሰብ ሕይወትም በተመለከተ ርዕሰ ሊቃነ ጳጳሳቱ እንዳስገነዘቡት ብዙዎች ወይም በርካቶች በቤት ውስጥ ጥቃት ደርሶባቸዋል፣ ወረርሽኙ በህዝባዊ አምልኮ እና በእምነት ማህበረሰቦች የትምህርት እና የበጎ አድራጎት እንቅስቃሴዎች ላይ የእምነት ነፃነትን ጨምሮ መሰረታዊ ነፃነቶች ላይም አሉታዊ ተፅእኖዎች አሉት ብለዋል። ርዕሠ ሊቃነ ጳጳሳት ፍራንቸስኮስ “የሰው ልጅ ሕይወት የቫይረሱ ስርጭት የሚከላከሉባቸውን መንገዶች ስንፈልግ እንኳን“ የሰው ልጅ መንፈሳዊና ሥነ ምግባራዊ ይዘት ከአካላዊ ጤንነት ያነሰ አስፈላጊ ነው ብለን ልንመለከት አንችልም ” ካሉ በኋላ ቅዱስነታቸው በወቅቱ ያደረጉትን ንግግር አጠናቀዋል።

 

08 February 2021, 23:58