የዓለም የወጣቶች ቀን አጀማመር እና ዓላማው በአጭሩ
የእዚህ ዝግጅት አቅራቢ መብራቱ ኃ/ጊዮርጊስ ቫቲካን
እ.ኤ.አ. በ1986 ለተከበረው የዓለም ወጣቶች ቀን የመጀመሪያ በዓል ጳጳሳት በየሀገረ ስብከታቸው የሆሳህና በዓል በሚከበርበት እሑድ የሚከበር ዓመታዊ የወጣቶች ዝግጅት እንዲያደርጉ ተጋብዘው ነበር። በሀገረ ስብከት ደረጃ በየዓመቱ - በአብዛኛዎቹ ቦታዎች በሆሳህና በዓል እሁድ ከ1986 እስከ 2020 እና ከ 2021 ጀምሮ ደግሞ የክርስቶስ ንጉስ በዓል በሚከበረበት እሁድ ላይ - እና በአለም አቀፍ ደረጃ በየሁለት እና ሶስት አመታት በተለያዩ ቦታዎች ይከበራል። እ.ኤ.አ. በ 1995 በፊሊፒንስ የተካሄደው የዓለም ወጣቶች ቀን የመዝጊያ ቅዳሴ በአንድ ሃይማኖታዊ ዝግጅት ላይ 5 ሚሊዮን ታዳሚዎች በተገኙበት ከፍተኛ ቁጥር ያላቸውን ሰዎች በማስመዝገብ የዓለም ክብረ ወሰን ያስመዘገበ ሲሆን ይህም ከ20 ዓመታት በኋላ እ.አ.አ በ2015 ዓ.ም በፊሊፒንስ በርዕሠ ሊቃነ ጳጳሳት ፍራንችስኮስ በተካሄደው ቅዳሴ ላይ 6 ሚሊዮን ሰዎች ተገኝተዋል።
ባህላዊ ሂደት
የዓለም ወጣቶች ቀን ከብዙ ዝግጅቶች ጋር በሚመሳሰል መልኩ ይከበራል። በጣም አጽንዖት የሚሰጠው እና ታዋቂው ባህላዊ ጭብጥ የበርካታ የተለያዩ ባህሎች በአንድነት መኖር እና ወጣቶች የራሳቸውን ባሕል ከሌሎቹ ጋር እንዲጋሩ ማድረግ ነው። ባንዲራዎች እና ሌሎች ብሔራዊ መግለጫዎች በዋናነት በወጣቶች መካከል በዝግጅቱ ላይ መገኘታቸውን ለማሳየት እና የካቶሊክ እምነትን መሪ ሃሳቦች ለማወጅ ተዘጋጅተዋል። ብዙውን ጊዜ እንዲህ ዓይነቱን የካቶሊክ እምነት ጭብጥ የሚያካትቱ ሌሎች ብሔራዊ መዝሙሮችን በመዘመር እና የተለያዩ ሀገራት መንፈሳዊ እሴቶችን የመማማሪያ መድረክ ነው።
በተከናወኑ ዋና ዋና ክስተቶች ሂደት ውስጥ ብሄራዊ ባሕላዊ እቃዎችን በመንፈሳዊ ነጋዲያኑ መካከል ይገበያያሉ። ባንዲራ፣ ሸሚዞች፣ መስቀሎች እና ሌሎች የካቶሊክ ምስሎች በመንፈሳዊ ነጋዲያኑ መካከል ልውውጥ ተድረጓል። በሰዎች ዘንድ ተቀባይነት ያለው አንድነትም የተለመደ ነው፣ ሁሉም የተለያዩ ባህሎች አንድ ላይ በመሰባሰብ እርስ በርስ ይማማራሉ ልምዶቻቸውን አንዱ ለሌላው ያጋራል።
ሌሎች በሰፊው የሚታወቁ ወጎች የርዕሰ ሊቃነ ጳጳሳቱ መገኘት ነው፣ የእርሳቸውን ህዝባዊ ገጽታ ያካትታሉ፣ በከተማው ዙሪያ ርዕሰ ሊቀን ጳጳሳቱ የሚጓዙበት መኪና ከመምጣቱ ጀምሮ ከዚያም በዝግጅቱ ላይ በተካሄደው የመጨረሻ ቅዳሴ ለዓለም የወጣቶች ቀን ከፍተኛ የሆነ ድምቀት ይሰጠዋል። እ.አ.አ 2008 በሲድኒ የተካሄደው ፌስቲቫል መንገዶች እና ሌሎች የህዝብ ማመላለሻ ስርዓቶች በመዘጋታቸው የ10 ኪሎ ሜትር የእግር ጉዞ የሚገመት ርቀት መደረጉ ተመዝግቧል።
ርዕሰ ሊቃነ ጳጳሳት በነዲክቶስ 16ኛ የዓለም የወጣቶች ቀንን እንደ የሮክ ፌስቲቫል የመመልከት አዝማሚያ ተችተው ነበር፥ ዝግጅቱ እንደ "የዘመናዊ የወጣቶች ባህል ልዩነት" ሳይሆን "የውጫዊ እና የውስጥ ረጅም መንገድ" ፍሬ ተደርጎ መወሰድ እንዳለበት ማሳሰባቸው ይታወሳል።