ፓትርያርክ ፒዛባላ፡ በቅድስት ሀገር ያሉ ክርስቲያኖች መብታቸው እንዲከበር ጠየቁ።

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

በእስራኤል አገር በክርስቲያኖች ላይ የሚደርሰው ትንኮሳ እና ጥቃት በተወሰነ የባህል አውድ ውስጥ የሚራቡ የጥቂት የአይሁድ ultra-nationalists ድርጊቶች እንጂ በእስራኤል ሰፊው ማህበረሰብ ውስጥ እያደገ የመጣውን አለመቻቻል የሚያሳይ አይደለም ሲሉ የላቲን ስርዓት የኢየሩሳሌም ፓትርያርክ እጩ ካርዲናል ፒየርባቲስታ ፒዛባላ ተናግሯል። ከአይሁድ ጽንፈኞች የሚደርስ ትንኮሳ እና ማስፈራሪያ እየጨመረ መምጣቱ ተገልጿል። በክርስቲያን ቀሳውስት ላይ ከሚደርሰው አካላዊ እና የቃላት ጥቃት በተጨማሪ በቤተክርስቲያኖች፣ በመቃብር ቦታዎች እና በክርስቲያናዊ ንብረቶች ላይ ያነጣጠረ ጥፋት በቅድስት ሀገር ባለፉት ወራት በእስራኤል ማህበረሰብ ውስጥ እየተካሄደ ባለው ፖለቲካዊ ውጥረት እና የእስራኤል እና የፍልስጤም ግጭት እንደገና እንዲባባስ አድርጓል። በጣም የቅርብ ጊዜ ክስተቶች አክራሪ አይሁዶች ሃይፋ ውስጥ አብያተ ክርስቲያናትን ለመያዝ ሲሞክሩ ተመልክተዋል።

እ.አ.አ በመስከረም 30 እጩ ካርዲናል ሊቀ ጳጳስ ፒዛባላ ከቫቲካን ዜና ዘጋቢ ዣን ቻርለስ ፑትዞሉ እንደተናገሩት ሃይማኖታዊ አለመቻቻል አዲስ ባይሆንም ከቅርብ ጊዜያት ወዲህ በተለይም በኢየሩሳሌም በከፍተኛ ሁኔታ መጨመሩን አረጋግጠዋል፣ ይህም በተመሰነ መልኩ ስደት አስከስቷል።  

በተጨማሪም ይህ ጉዳይ ለክርስቲያኖች አሳሳቢ ጉዳይ ነው፣ ነገር ግን የእስራኤል ባለስልጣናትን ጭምር ስጋት ነው፣ ምንም እንኳን እነዚህን ክስተቶች ለመቀነስ የተደረገው ጥረት በጣም ስኬታማ ባይሆንም።

ፓትርያርክ ፒዛባላ እንዳብራሩት ጥቃቱ በመሠረቱ በተያዙት ግዛቶች ውስጥ የሚኖሩ አዳዲስ የእስራኤል ሰፋሪዎችን የሚያጠቃልል ሲሆን በአንዳንድ ጽንፈኛ የሃይማኖት መሪዎች በተቀሰቀሰ ሁከት እና ዋልታ ረገጥነት የተሞላ ጽንፈኝነት በማህበራዊ-ባህላዊ አውድ ውስጥ ያደጉ ናቸው።

በቅድስት ምድር ያሉ ክርስቲያኖች ልዩ ጥበቃን አይፈልጉም።

ሁኔታው ክርስቲያናዊ ማህበረሰቦችን እያስጨነቀ ነው። ነገር ግን በቅድስት አገር ያሉ ክርስቲያኖች ልዩ ጥበቃን አይፈልጉም፣ ነገር ግን ዴሞክራሲያዊ መንግሥት ሃይማኖታዊ ወገናቸው ምንም ይሁን ምን ለሁሉም ዜጎች እና ማህበረሰቦች ዋስትና ሊሰጣቸው የሚገቡትን መሰረታዊ መብቶች ማክበር ብቻ ነው ብለዋል።

ሊቀ ጳጳስ ፒዛባላ በመቀጠል፣ ፖሊስ ሕጉን ለማስከበር ጥረት ቢያደርግም እና አንዳንድ እስራት ቢያደርግም፣ የእስራኤል መንግሥት ለጉዳዩ በቂ ትኩረት የሰጠው አይመስልም፣ ከፕሬዚዳንት አይዛክ ሄርዞግ በቀር በቅርቡ ድርጊቱን በይፋ የተቃወመ ሌላ ባለስልጣን የለም። የጥቃት ድርጊቶችን እየጨመሩ መጥቷል ጉዳዩ አስፈሪ እና አሳፋሪ ነው።

ምንም እንኳን አሁን ያለው የጠቅላይ ሚኒስትር ቤንያሚን ኔታንያሁ የቀኝ አክራሪ የእስራኤል መንግስት ፀረ ክርስትያን ባይሆንም እንደ ፓትርያርክ ፒዛባላ አባባል በተዘዋዋሪ መንገድ በአንዳንድ የእስራኤል ህብረተሰብ ክፍሎች ውስጥ ውጥረት እና ጥላቻ እንዲፈጠር አስተዋጽኦ አድርጓል።

የእስራኤል ማህበረሰብ ምላሽ የተስፋ ምክንያቶች ናቸው።

ነገር ግን “ለተስፋ የሚሆኑ ምክንያቶች አሉ፣ ምክንያቱም እነዚህ ክስተቶች በእስራኤል ማኅበረሰብ ውስጥ፣ ከአይሁድ ሃይማኖታዊ መሪም ጭምር ጠንካራ ምላሽ እንዲሰጡ ስላደረጉ፣ “ይህ የችግሩ ግንዛቤ ከጊዜ በኋላ ፍሬ እንደሚያፈራ አምናለሁ” ሲሉ ፓትርያርኩ ተናግረዋል።