በኢትዮጵያ ካቶሊካዊት ቤተክርስቲያን አጠቃላይ የአስር ዓመት ስልታዊ ዕቅድ ተደረገ

     ግብ

በመሆኑም ይህ አውደ ጥናት የመጀመርያው ታላቅ የምክክር መድረክ በማዘጋጀት ትልቁን ጉዳይ ለመተንተን የሁለተኛው ምዕራፍ የስትራቴጂክ እቅድ ሂደት ማጠቃለያ ሲሆን የሚከተሉትን ውጤቶችም ለማስመዝገብ ተዘጋጅቷል ፦

- በአካባቢያችን ያሉ ዋና ዋና ጉዳዮችን እና አዝማሚያዎችን ለመለየት

- በቤተ ክርስቲያን ላይ የሚያጋጥሟት አንገብጋቢ ተግዳሮቶች ምን ምን እንደሆኑ በጋራ መግባባት ላይ መድረስ

- ለበለጠ ትንተና ቀጣይ እርምጃዎችን አንድ ላይ ቅድሚያ ለመስጠት ይሆናሉ።

ዓላማ

 በመሆኑም ይህ አውደ ጥናት የሶስተኛው ምዕራፍ የስትራቴጂክ እቅድ ሂደት ማጠቃለያ ሲሆን የሚከተሉትን ውጤቶች እንደሚያስገኝ ይጠበቃል።

-በቤተክርስቲያኑ ላይ ያሉ ችግሮችን እና እድሎችን ለማወቅ ፣

-ሊተገበሩ የሚችሉ ስትራቴጂያዊ አማራጮችን ለመለየት ፣ ለመወያየት እና ለመገምገም እንዲሁም

-በበሃገረ ስብከቶች ፣ በማህበራዊ እና በተግባራዊ ስልቶች ላይ መግባባትን ለመፍጠር እንደሚረዳ ተገልጿል።

ተሳታፊዎች

ብጹዕ ካርዲናል ብርሃነኢየሱስ ሱራፌል ሊቀ ጳጳሳት ዘካቶሊካዊያን ፥ የኢትዮጵያ ካቶሊክ ቤተክርስቲያን የጳጳሳት ጉባኤ ሰብሳቢ 

የቅድስት መንበር አምባሳደር ሊቀ ጳጳስ አንቷን ካሚሌሪ

አቡነ ልሳነክርስቶስ ማቴዎስ የባህርዳር ደሴ ሃገረስብከት ጳጳስ

አቡነ ማርቆስ ገ/መድህን የጅማ ቦንጋ ሃገረ ስብከት ጳጳስ

አቡነ ሙሴ ገ/ጊዮርጊስ የእምድብር ሃገረ ስብከት ጳጳስ

አቡነ ስዩም ፍራንሶ ኖኤል የሆሳዕና ሃገረ ስብከት ጳጳስ

አቡነ አንጄሎ ፓጋኖ የሃረር ሃገረ ስብከት ጳጳስ

አቡነ ሮቤርቶ በርጋማቺ የጋምቤላ ሃገረ ስብከት ሊቀ ጳጳስ ሲሆኑ በአጠቃላይ

በዚህ ዉይይት ላይ 120 ተሳታፊዎች የተሳተፉ ሲሆን ፥ ከእነዚህም ውስጥ 91 ተሳታፊዎች ከ13ቱ ሃገረ ስብከቶች የመጡ ካህናት እና ደናግላን ሲሆኑ ፥ ቀሪዎቹ ደግሞ ከኢትዮጵያ ካቶሊክ ቤተክርስቲያን ጤና ቢሮ ፣ ትምህርት ቢሮ ፣ ሰው አስተዳደር ቢሮ ፣ ከስነ መለኮት ተማሪዎች ፣ ከካህናት ማህበር ከብሔራዊ ቤተ ክርስቲያን ጽሕፈት ቤት የመጡ ተወካዮች እንዲሁም ፣ ከተለያዩ ባለድርሻ አካላት የተወከሉ ተሳታፊዎች ተገኝተውበታል።

የኢትዮጵያ ካቶሊክ ቤተክርስቲያን የአስር ዓመት ስልታዊ ዕቅድ ውይይት ተሳታፊዎቹ በአራት ንኡስ ቡድኖች ተከፋፍለው በአጠቃላይ የኢትዮጵያ ካቶሊክ ቤተክርስቲያንን ባጋጠሟት ተግዳሮቶች እና ስለ መፍትሄ ሃሳቦች ላይ ሲወያዩ ቆይተዋል። ከእነዚህም ቡድኖች የሃዋሪያዊ ግሩፕ ቅድሚያዉን ድርሻ የያዘ ሲሆን ፣ ትግበራ (Operational) ቡድን ፣ ማህበራዊ/ትምህርት (Social/Education) ቡድን እና ማህበራዊ/ጤና (Social/Health) ቡድን በተሰኙት ቡድኖች የተወያዩበትን እና የደረሱበትን ዉጤት በተወካዮቻቸው በኩል ለተሳታፊዎች ያቀረቡ ሲሆን ተሳታፊዎችም ያሏዋቸዉን ሃሳብ እና ጥያቄዎቻቸውን በማቅረብ ዉይይት ተደርገውባቸዋል።

 በአጠቃላይ ከተደረሰባቸው ሃሳቦች ዉስጥ አጠቃላይ ዓላማው በህብረት መንፈስ ፣ በተሳትፎ እና ደቀመዛሙርት የማድረግ ተልዕኮ ሲሆን ፦

ቀሳውስት ፣ የሃይማኖት አባቶች ፣ እና ገዳማዊያን የተለእኮ ጊዜያቸው እና ምስረታቸው ስልታዊ ጉዳዮች ዉስጥ የሚከተሉትን ዘርዝሯል

አንድነትን ፣ ተሳትፎን እና ትሥሥርን ለማመቻቸት ፥ የካህናት ፣ የሃይማኖት አባቶች እና ደናግላን ለሁለቱም ማለትም ለሃገረ ስብከቱ እና ለሃይማኖቱ በሃገር አቀፍ ደረጃ እና በሃገረስብከቶች ደረጃ ተለዕኮ እንዲሰጥ ማድረግ

በሃይማኖት ጉባኤ ዉስጥ የተቋቋመው የስነ መለኮት ተማሪዎች እና ወጣቶች ሁለንተናዊ ምስረታ (ሰዋዊ ፣ መንፈሳዊ ፣ ምሁራዊ ፣ ስሜታዊ እና ሃዋሪያዊ) ለሰው ልጅ አፈጣጠር ልዩ ትኩረት በመስጠት እና እጩዎቻችንን ወደ ሃዋሪያዊ ሥራ ለማጨት ፥ በሃዋሪያዊ አውድ ቅዳሜ እና እሁድን ራሳቸው ደቀመዝሙር እንዲሆኑ ለማድረግ የእረኝነት ሥራ መስራት

በመካሄድ ላይ ያለው ምስረታ ፥ ለምስረታው መመሪያዎች ለቀሳውስቱ የተጠናከረ ቀጣይነት ያለው አደረጃጀት ፥ ወቅታዊዉን የሃዋሪያዊ ስራ ተግዳሮቶች ለመቋቋም የሚያስችላቸው የካህናትን አካሄድ በመንፈሳዊ አካሄድ እንዲመራ ማድረግ

ለካህናቱ ትክክለኛ እና ቀጣይነት ያለው የምግብ አቅርቦት ስርዓት መዘርጋት

በቤተ ክህነት አስተዳደሮች (የጋራ ቤት) የቅርብ ትብብር ፣ የምስረታ መመሪያዎችን ዝግጅት ፣ ቅንጅት እና ትብብርን ለመንከባከብ እና ለመምራት ፥ በቤተ ክህነት ፣ በሃገረስብከት እና በሃገር አቀፍ ደረጃ ያሉ መዋቅሮችን ማሳደግ እንደሚገባ

ከመደበኛ ትምህርት ውጪ እንቅስቃሴዎችን (ገንዘብ አያያዝ ፣ የአስተዳደር ፣ የተግባቦት ፣ የሚድያ) ትምህርቶችን በስነመለኮት ተማሪዎች መርሃግብር ዉስጥ ማካተት የሚሉት ይገኙበታል።    

በተጨማሪም ምእመናንን ፣ ቤተሰብ እና ወጣቶችን በተመለከተ ስልታዊ ጉዳዮችን አስቀምጧል። ከእነዚህም ዉስጥ ሰበካዎች እና ሃገረስብከቶች በአንድነት ፣ የተሳትፎ እና የተልዕኮ ማዕከል እንዲሆኑ ማብቃት እንደሚያስፈልግ እንዲሁም ሰበካዎችን እና ሃገረስብከቶችን የመንበር ፓትሪያርክ ጉባኤ እና ሌሎች መድረኮች ሁሉ በቤተክርስቲያን ተልዕኮ እና ህይወት ዉስጥ ከቀሳውስት ፣ ከሃይማኖት አባቶች እና ገዳማዊያን ጋር የሚሳተፉባቸውን መድረኮች ሁሉ ማነቃቃት እንደሚያስፈልግ መግባባት ላይ ተደርሷል።

የትግበራ ቡድን

የቤተክርስቲያን የአስተዳደር ስርዓትን በቀኖናዊ ህጉ መሰረት ማሻሻል

ቤተክርስቲያኒቷ ያሏትን አጠቃላይ ሃብት በቴክኖሎጂ በታገዘ አደረጃጀት ማዋቀር

ገቢን የሚያሳድጉ የኢንቨስትመንት ሥራዎች ላይ መሳተፍ

ገቢ ተኮር የሆኑ ጥራታቸዉን የጠበቁ ልዩ ትምህርት ቤቶችን እና የጤና ተቋማትን ማቋቋም የሚሉ ሃሳቦች ቀርበው ዉይይት ተደርገውባቸዋል።

የትምህርት ጉዳይ እና የጤና ጉዳይ ቡድንም ስለ ፖሊሲ መመሪያዎች እና ከመንግስት ጋር የተያያዙ ጉዳዮች ፣ ስለ አመራር እና አስተዳደር እንዲሁም ከመንግስት ጋር የተያያዙ ጉዳዮች እና የካቶሊክ ትምህርት ቤት ማንነትን ስለመጠበቅ አጽንኦት ሰጥተው ተወያይተዋል።

በማጠቃለልም የሚከተሉት መደምደሚያ ላይ ደርሰዋል፡

 የትምህርት ፖሊሲውን ማሻሻል ፣ የትምህርት ቤቶችን ወጥነት እና አንድነትን የሚደግፉ ልዩ ልዩ መመሪያዎችን ማዘጋጀት ፣ የካቶሊክ ትምህርት ቤቶችን ተፅእኖ እና የትምህርት ውጤቶችን ሙሉ በሙሉ የሚገልጹ ሰነዶችን ማዘጋጀት (የትምህርት ቤቶችን የግምገማ እና የጥብቅና ስራዎችን የሚመለከት ተፅእኖ ግምገማ) እና ተግባራዊ ማድረግ የፖሊሲው እና የመመሪያው አፈፃፀም በሀገረ ስብከቱ የትምህርት ዴስክ በኩል የተሻሻለ ስምምነት እና የትምህርት ቤቶች ደረጃን ማረጋገጥ የሚሉት ሲሆኑ በጤናው ዘርፍ በኩል

የቤተ ክርስቲያኒቱን የጤና ፖሊሲ ማዘመን ፣ አዳዲስ መመሪያዎችን ማዘጋጀት ፣ የማስማማት ሂደቱን ሊደግፉ የሚችሉ ደረጃዎችን ማውጣት እና ቤተ ክርስቲያን በጤናው ዘርፍ ለሎቢና ለጥብቅና ሥራዎች የምታደርገውን ተጽዕኖ ሙሉ በሙሉ የሚገልጹ ሰነዶችን ማዘጋጀት የሚሉትን እንደ ማጠቃለያ እቅድ አስቀምጠዋል።

ለተጠናከረው ዘገባ

 ዘላለም ኃይሉ - አዲስ አበባ

           ኢትዮጵያ