ብፁዕ ካርዲናል ፌርራኦ የሕንድ ጳጳሳት እና ካህናት 'ሲኖዶሳዊነትን’ እንዲያበረታቱ አሳሰቡ።

አዘጋጅ ዘላለም ኃይሉ ፥ አዲስ አበባ

የሕንድ የካቶሊክ ቤተክርስቲያን ጳጳሳት ጉባኤ ፕሬዚዳንት ብፁዕ ካርዲናል ፌርራኦ ፥ ሲኖዶሳዊነት ማለት ከማስተዋል ጋር አብሮ መጓዝ መሆኑን አጽንኦት ሰጥተው በመናገር ፥ ይህም ‘የሲኖዳል አመራር’ የሚባል አዲስ የቤተ ክርስቲያን አመራር ተምሳሌትን ይጠይቃል ብለዋል።

በተጨማሪም የጎዋ እና የዳማን ሊቀ ጳጳስ የሆኑት ካርዲናሉ በባንጋሎር እየተካሄደ ያለውን የህንድ ካቶሊክ ጳጳሳት ብሄራዊ አውደ ጥናት ለስልታዊ ዕቅድ በባንጋሎር ከተማ ሲያስጀምሩ ነው ጥሪውን ያቀረቡት።

“ይህ አመራር የቤተክርስቲያኑ አባል የሆኑ ሁሉ እንዲረዱ ፣ እንዲከበሩ ፣ እንዲመሰገኑ እና እንዲታወቁ ያላቸውን ጥልቅ ፍላጎት ለማረጋገጥ እና ምላሽ ለመስጠት የሚያስችል ሁኔታን ይፈጥራል” ብለዋል።

ብፁዕነታቸው አክለውም ‘የምዕመናንን ፣ የገዳማዊያንን እና የካህናትን ስብዕና እና ተሳትፎ የሚያጎለብት ሲኖዶሳዊ ባህል ወደ ላቀ ደረጃ ለማሸጋገር ያለመ ነው’ በማለት ተናግረዋል።

ይህ በህንድ ማህመራዊ ጥናት ኮሌጅ ዳይሬክተር በሆኑት በአባ ጆሴፍ ዣቪየር የሚመራው ለሁለት ቀናት የሚቆየው የስልታዊት እቅድ አውደ ጥናት ፥ በሁለቱም ብሔራዊ እና ክልላዊ ደረጃዎች ሲካሄድ የነበረውን ስልታዊ ዕቅድ ሂደት ለማጠናቀቅ የሚያስችል ጥልቅ ፍኖተ ካርታ ለማዘጋጀት እንደሆነም ተብራርቷል።