ስለ ሓድነት ኤውሮጳን ስለ ኤውሮጳዊ ሕብረትን ንጸሊ! ር.ሊ.ጳ
ዜና ቫቲካን
ላቲናዊ ሥርዓተ ኣምልኾ እትኽተል ካቶሊካዊት ቤተክርስትያን ሎሚ በዓል ቅድስት ካተሪና ዘስየና እንክትዝክር እዚኣ ድንግልን ሊቅ ቤተክርስትያንን ዝኾነት ቅድስት ጠበቃ ኤውሮጳ እውን ብምዃና ቅዱስነቶም ስለ ሓድነት ኤውሮጳ ንክንጽሊ ከምዚ ክብሉ ኣብ መባእታ ቅዳሴ ኣዘኻኺሮም።
ናይ ዕለቱ ቀዳማይ ንባብ 1ዮሓ 1.5 ዝተወስደ ኰይኑ 'እግዚኣብሔር ብርሃን ምዃኑን ኣብኡ ኸኣ ሓንቲ እኳ ጸልማት ከም ዜብሉን፡ እታ ኻብኡ ዝሰማዕናያ ንኣኻትኩምውን እንነግራ ዘሎና መልእኽቲ እዚኣ እያ። ምስኡ ሕብረት አሎና፡ ኢልናስ ኣብ ጸልማት እንተ ተመላለስና፡ ንሕሱ፡ ሓቂውን ኣይንገብርን ኢና ዘሎና። ከምቲ ንሱ ኣብ ብርሃን ዘሎ፡ ኣብ ብርሃን እንተ ተመላለስና ግና፡ ንሓድሕድና ሕብረት አሎና፡ ደም የሱስ ክርስቶስ ወዱውን ካብ ኵሉ ሓጢኣት የንጽሓና እዩ። ሓጢኣት የብልናን፡ እንተ በልና፡ ንርእስና ንጥብራ አሎና፡ እታ ሓቂውን ኣባና የላን። ሓጢኣትና እንተ ተናዘዝና፡ ንሓጢኣትና ይቕረ ኪብለልና፡ ካብ ኵሉ ዓመጻውን ኬንጽሃና እሙንን ጻድቕን እዩ። ሓጢኣት ኣይገበርናን፡ እንተ በልና፡ ሓሳዊ ንገብሮ፡ ቃሉውን ኣባና የሎን' ዝብል ይርከቦ። ክምኡውን ናይ ዕለቱ ወንጌል ማቴ 11.25 'ዎ ኣቦይ ጐይታ ሰማይን ምድርን፡ እዚ ኻብ ብልህታትን ኣስተውዓልትን ስለ ዝሐባእካዮ፡ ንሕጻናት ግና ስለ ዝገለጽካዮ ኤመስግነካ አሎኹ' ዝብል ይርክቦ። ቅዱስነቶም ካብዚ ብምብጋስ ነዚ ዚስዕብ ስብከት ኣቅሪቦም።