Siku ya Haki za binadamu:Mifumo ya ulimwengu itegemee haki kama vile chanjo ya afya kwa wote!
Ombi hili limetolewa na Bwana Guterres, katika ujumbe wake kwa Siku ya Haki za Binadamu, ambayo imeadhimishwa kila tarehe 12 Desemba ya kila mwaka. Katika ujumbe huo “Watu na haki zao lazima ziwe mbele na katikati mwa mapambano na kupona. Tunahitaji mifumo ya ulimwengu inayotegemea haki kama vile chanjo ya afya kwa wote, ili kushinda janga hili na kutulinda kwa siku zijazo.” Amesema Guterres.
Janga la Covid-19 limeimarisha ukweli wa kimsingi kuhusu haki za binadamu, amesema Katibu Mkuu, akianza na mtazamo kwamba, “ukiukaji unatudhuru sisi sote. Janga la COVID-19 limekuwa na athari kubwa kwa makundi ya watu walioko hatarini ikiwa ni pamoja na wafanyakazi walio mstari wa mbele, watu wenye ulemavu, wazee, wanawake na wasichana, na jamii za wachache. Imefanikiwa kwa sababu umaskini, ukosefu wa usawa, ubaguzi, uharibifu wa mazingira yetu ya asili na ukosefu mwingine wa haki za binadamu, vimeunda udhaifu mkubwa katika jamii zetu. Wakati huo huo, janga hilo linadhoofisha haki za binadamu, kwa kutoa kisingizio cha hatua nzito za kiusalama na hatua za kali ambazo zinapunguza nafasi ya raia na uhuru wa vyombo vya habari.” Amebainisha Katibu wa Umoja wa Mataifa.
Aidha Bwana Guterres kupitia ujumbe wake huo kuhusu siku ya kimataifa ya haki za binadamu amesema ukweli wa pili ni kwamba haki za binadamu ni za ulimwengu wote na zinamlinda kila mtu, hali hiyo ikisisitiza jinsi athari ya janga inapaswa kuwa msingi wa mshikamano na ushirikiano. “Mbinu za mgawanyiko, ubabe na utaifa hauna maana yoyote dhidi ya tishio la ulimwengu”. Amesisitiza. Kabla tu ya janga la virusi vya corona, Katibu Mkuu Guterres alitoa wito wake kwa Hatua ya Haki za Binadamu. Wito huo ulielezwa kama miongozo saba ya mabadiliko chanya, ambao unaeleza jukumu kuu la haki za binadamu katika maeneo kama vile kukabiliana na janga, usawa wa kijinsia, ushiriki wa umma na maendeleo endelevu. Bwana Guterres pia amesema, “katika Siku ya Haki za Binadamu na kila siku, tuamue kuchukua hatua kwa pamoja, na haki za binadamu mbele na katikati, kupona kutoka dhidi ya janga la COVID-19 na kujenga maisha bora ya baadaye kwa wote.
