Tweet i Papёs kushtuar Zemrës së Jezusit
R.SH. - Vatikan
“Vetëm kush shohin me zemër, sheh mirë, sepse di si të "shikojё brenda": personi përtej gabimeve të tij, vëllai përtej vështirësive, shpresa në vështirësi, Zoti në çdo gjë”. Kёshtu shkruan Papa Françesku nё njё tweet, sot 26 qershor 2020, botuar nё faqen e internetit @Pontifex.
Jezusi nuk shikon mëkatin por zemrën e njeriut
Jezusi nuk sheh mëkatin e njeriut, por zemrën e tij, të cilën e kërkon për ta shëruar. Kёshtu pohoi Papa Françesku, gjatë homelisë së meshës së 28 tetorit 2014 në Shtëpinë e Shën Martës në Vatikan, duke reflektuar mbi Ungjillin e asaj dite, i cili tregonte lindjen e Kishës, si edhe mbi interpretimin e shën Palit Apostull, që e përshkruan Kishën si një ndërtesë, e cila ngrihet mbi themele të fuqishme. Krishtit i intereson t’i shikoj, t’i dojë e t’i shërojë zemrat e jo të numërojë mëkatet. Edhe ne tё shikojmë në zemër të të tjerëve, pa gjykuar.
Inati rrënon, zemra tjetrit ёshtё tokё e bukur
Papa Françesku, gjatё audiencës sё përgjithshme tё 19 shkurtit 2020, duke folur pёr Luminё e tretё nga tetë Lumnitë e Ungjillit të Mateut, na kujton se inati ёshtё mëkat, që e kemi provuar nga pak të gjithë, prandaj na fton ta pyesin veten sa gjëra kemi shkatërruar a humbur në çastet e shpërthimit të inatit:
“Një çast zemërimi mund të shkatërrojë shumë gjëra; humbet kontrolli e nuk vlerësohet çka është vërtetë e rëndësishme. E kështu mund të humbasësh në një çast të vetëm lidhjet me vëllain, nganjëherë edhe në mënyrë të pandreqshme. Për shkak të inatit shumë vëllezër nuk i flasin më njëri-tjetrit. E kjo është e kundërta e butësisë. Butësia bashkon! Inati ndan. Butësia fiton shumë gjëra. Është e aftë të fitojë zemrat, të shpëtojë miqësitë e shumë e shumë gjëra të tjera, sepse njerëzit inatosen, por pastaj edhe qetësohen, rimendojnë e pendohen. Është vepër e butësisë, kjo. Butësia mund të rindërtojë”. Atëherë “toka” a “thesari” për t’u shtënë në dorë me butësi është shëlbimi i vëllait - tha akoma Papa e theksoi: “Nuk ka tokë më të bukur se zemra tjetrit; truall më të këndshëm, se paqja e rivendosur me vëllain”
Papa Françesku na tregon e paraqet shembullin e Marisë Virgjër, shembullin e saj tё “ndenjurit” te këmbët e kryqit tё Jezusit, Maria nënë e djalit të saj dhe e gjithë bijve të botës. "Ta sodisim Marinë, gruan e fortë", kjo ftesën e Papёs, për të mësuar të jemi “punëtorë tё paqes”, "paqebërës, krijues të aleancave, tharmi i vëllazërimit.