Papa përuron "Super Nuns" nё mbështetje tё motrave që luftojnë trafikimin e njerëzve
R.SH. - Vatikan
Me klikimin e parë, Papa Françesku përuroi sot "Super Nuns", komunitetin në platformën Patreon, menduar për mbledhjen e fondeve pёr t’i ndihmuar viktimat e trafikimit njerëzor dhe për t’i financuar projektet qё kujdesen e mbështesin kёtё mision. Projekti i përuruar nga Talita Kum - Rrjeti Ndërkombëtar i Jetës së Kushtuar nё mbrojtje tё këtyre njerëzve nga trafikantët - dhe i sponsorizuar nga Fondacioni Galileo, përfshin partneritetin e artistëve të ndryshëm të rrugës, ndёr tё cilёt Stephen Power, ESPO, artistin amerikan tё grafiteve, e Leij Matsumoto, pionerin e animacionit japonez. Papa Françesku ka bёrё thirrje në mënyrë të përsëritur pёr t’i kushtuar vëmendje kësaj drame tё tmerrshme tё rafikimit tё njerёzve, duke kërkuar edhe nisma e veprime konkrete.
“Të këputen zinxhirët e rëndë” e të ndalet “turpi i padurueshëm” i atyre që akoma sot blejnë e shesin qeniet njerëzore”. Mendimi i Papës shkoi, tek ata, që i ndihmojnë skllevërit e rinj të sotëm për t’i copëtuar zinxhirët e shfrytëzimit e për ta rifituar lirinë dhe dinjitetin e tyre, lidhur edhe me Ditën e lutjes e të reflektimit kundër trafikut të njerëzve, që do të kremtohet sot: “Mendoj posaçërisht për shumë gra e burra, e edhe për shumë fëmijë! Duhet bërë çdo përpjekje e mundshme për ta zhdukur këtë krim e këtë turp të palejueshëm”, tha Papa Bergoglio.
E sot paradite, Ati i Shenjtё Françesku përshëndeti personalisht të gjithë anëtarët e rrjetit Talitha Kum e Galileo dhe motrёn Gabriella Bottani, Koordinatore Ndërkombëtare e rrjetit Talita Kum, e cila paraqiti e shpjegoi faqen e internetit "Super Nuns". Artisti Stephen FPower i kërkoi Papës të firmosë një kopje të imazhit të parë, tё cilёn ia dhuroi pastaj vetë Atit tё Shenj Françesku. Në përurimin e platformës ishin tё pranishme disa motra rregulltare të Talitka Kum, e cila u krijua me nismën e Bashkimit Ndёrkombёtar tё Eproreve tё Përgjithshme (UISG), e qё 10 vjet nxit edhe bashkëpunimin e shkëmbimin e informacionit ndërmjet rregulltareve e rregulltarёve në 70 vende të botës për të luftuar e çrrënjosur plagën e skllavërisë. Kujtojmë se data e 8 shkurtit përkon me përkujtimin liturgjik të Shën Gjyzepina Bakhita, skllave sudaneze që u bë motër rregulltare kanosiane.
Papa Françesku botoi edhe nё faqen e internetit @Pontifex hashtagun #PrayAgainstTrafficking me një tweet me rastin e Ditës Botërore, në të cilin thotë: "Së bashku kundër trafikimit. Vetëm së bashku mund ta mundim këtë plagë dhe t’i mbrojmë viktimat. Lutja është forca qё e mbështet impenjimin tonё".
