Bergoglio kujton atentatin kundër Papës Polak, 38 vjet më parë

R. SH. - Vatikan

Papa, në audiencën e përgjithshme, mbajtur në Sheshin e Shën Pjetrit, kujtoi atentatin kundër Gjon Palit II, më 13 maj 1981:

“Përshëndes përzemërisht shtegtarët polakë!”. Pardje përkujtuam Zojën e Fatimës. 13 maji është ditë që na kujton dukjen e Saj të parë, e cila përkon edhe me ditën e atentatit kundër jetës së Gjon Palit II. Kujtojmë pohimin e tij:

“Në gjithë këtë ngjarje, që ndodhi, pashë mbrojtjen e veçantë amtare të Marisë”.

Po kujtojmë edhe fjalët e Zojës:

“Erdha ta qortoj njerëzimin, që të ndërrojë jetë e të mos e trishtojë më Zotin me mëkate të rënda. Njerëzit të thonë Rruzaren e të bëjnë pendesë për mëkatet!”.

Papa i ftoi të gjithë ta dëgjojnë porosinë e Marisë, duke i kërkuar “mbrojtjen e saj amtare, dhuratën e kthimit në rrugë të Zotit, frymën e pendesës dhe paqen për botën mbarë”.