KISHA

Të meditojmë me Ungjillin e së Dielës VI pas Pashkëve 'A'

Nëse më doni, do t’i ndiqni urdhërimet e mia: këtë nga thotë Jezu Krishti kësaj së diele, e gjashta pas Pashkëve, në mënyrë që të udhëhequr nga Shpirti Shenjt - ardhja e të cilit paralajmërohet në Ungjillin e sotëm - të jemi dëshmitarë të Zotit. Të ndjekim Ungjillin, marrë nga shën Gjoni...

R.SH. - Vatikan

Nga Ungjilli shenjt sipas Gjonit (Gjn 14, 15-21)

¹⁵ “Nëse më doni, do t’i mbani urdhërimet e mia. ¹⁶ Edhe unë do t’i lutem Atit dhe Ai do t’ju japë një Mbrojtës tjetër, që të jetë me ju përgjithmonë: ¹⁷ …Ju e njihni sepse Ai banon me ju e është në ju. ¹⁸ Nuk do t’ju lë jetimë; do të vij tek ju. ¹⁹ Edhe pak kohë e bota nuk do të më shohë më, ndërsa ju do të më shihni, sepse unë jetoj edhe ju do të jetoni. ²⁰ Atë ditë do ta kuptoni se unë jam në Atin tim, ju në mua e unë në ju. ²¹ Kush i ka urdhërimet e mia dhe i mban, ai më do… edhe unë do ta dua dhe do t’i dëftohem”.

Të lutemi së bashku:

Dashuria tregohet me fakte:

ti vetë, o Jezus, na e mësove këtë,

duke pranuar të gozhdoheshe

mbi drurin e fortë të kryqit, duke flijuar jetën

për t’u dhuruar të gjithëve shëlbim e paqe.

Dashuria tregohet me fakte:

çdo fjalë, sado e sinqertë dhe e ëmbël,

duhet të kalojë provën e vërtetësisë,

pra, të matet me sakrificën,

e të verifikohet nga veprat konkrete.

Ja përse Ti na kërkon