Maji i Zojës: Lutje Zojës, pas hekurave të burgut
R. SH. - Vatikan
“Dhantia”
Tok’s s’zez’ lule i kerkova
Për Ty, o Nan’ Hyjnore,
Lterin por kund s’ta gjeta,
Veshk’, lulet m’ran’ prej dore.
Lodja loden s’ma priti
Tue përcjell’ dnes’t e mia:
Për Majin Tand t’lulzuemin,
O Nan, k’to kjen’dhantia.
Shkodër, maj 1986
Ave Maria
O Nan’ Hyll n’qiell t’lumnive
Mbretnesh’ n’kreatyr’ sa janë
Deh, vro tand bir – n’kët’ burg t’vështir’,
O Nan’ ndihmoj o Nanë
Ave Maria, Ave Maria, Ave Maria!
Kush thue do t’ia vej’ veshin
Dnes’s s’ndrydhun t’burgut t’mjerë,
Po nuk kje Ti - që aq ambel di,
Zoj’, lott njimend me i terë?
Vuejtjet, që ma t’rand’ jetën,
M’a bajn’ dita me ditë,
T’gjitha i harroj - kur n’Ty mendoj
N’kët’ terr, o e vetmja dritë!
E di se mbas verigash
Mbas kobesh të k’saj jetë,
Do t’m’lej nji agim - i pa prendim,
Lirin’ kur t’gzoj t’ vertetë.
Prandej n’terrin’ t’k’tij burgut,
Harrue e n’kët’vetmi,
Der fryma t’m’laj-un’nuk do t’praj,
Tue t’k’ndue: T’falem Mari.
Kur syt n’burg t’errt’ mue t’m’erren,
Tu’u çil’ n’drit’ t’pambarim,
Ma e para fjal’- n’qiell mue do t’m’dalë:
T’falem Mari’, me g’zim!
Burg, Shkodër, 8 Maj,1947