“Pashkët janë drita, që dëboi errësirën e vdekjes”: mesazhi i imzot George Frendos

R.SH. - Vatikan

Megjithë gjendjen e vështirë, që po përjetojmë nga koronavirusi, nuk mund të shndërrohemi në profetë të mjerimit, sidomos për Pashkë. Në mesazhin e tij, kryetari i Konferencës Ipeshkvnore të Shqipërisë, imzot George Frendo, kryeipeshkëv metropolit i Tiranë- Durrësit, kujton telefonatën e një gruaje, që e kishte parë të bekonte rrugët e Tiranës, jashtë kishës bosh. Edhe Maria Madalena, reflekton imzot Frendo, e gjeti varrin e Mësuesit të saj të dashur bosh, por pikërisht aty dëgjoi Krishtin ta thërriste me emër e ta ftonte të mos kishte frikë. Prandaj, të mos shkurajohemi, thekson kryeipeshkvi. Por le të dëgjojmë mesazhin e plotë…