Լիբանանցի վարդապետ Մաժտի Ալաուիի որդւոյն մահը. խորհրդաւոր պայմաններու տակ
Ընկերային ծառայութիւններու մէջ մեծ նուիրում ունեցող Լիբանանցի վարդապետ Մաժտի Ալաուի որդին՝Մաթիոն մահացած գտնուած է իր բնակարանին մէջ։
Այս մասին «Արեւելք» տեղեկութիւն քաղեց Lebanon-24 կայքէն։
Աղբիւրը կը հաղորդէ, որ մինչեւ հիմա յայտնի չեն երիտասարդին մահուան իսկական պատճառները եւ նոյն առումով անոր ընտանիքը հանդէս եկած է յայտարարութեամբ մը, հանրութիւնէն խնդրելով լռութիւն պահել իրենց որդւոյն մահուան պատճառները քննարկելու վերաբերեալ։
Մեր ընթերցողներուն յիշեցնենք, որ Մաժտի Ալլաուի Շիիթ համայնքի անդամ լիբանանցի մըն է, որ ինքզինք նուիրած է եկեղացական ծառայութեան։ Ան մկրտեալ քրիստոնեայ դարձած է ու ստացած հոգեւորականի կոչում եւ մեծ ճանաչում ունի շնորհիւ ընկերային ոլորտին մէջ իր ծաւալած աշխոյժ գործունէութեան։
Նշենք նաեւ, որ Ալլաուի, քարոզախօսական նպատակներով այցելութիւն տուած է Հայաստան եւ եղած է Հայ Կաթողիկէ Եկեղեցւոյ հիւր- քարոզիչը։
«Քաղուած Արեւելք»էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ