Թուրքիա Մինսկի խմբակի համանախագահներու կազմին մէջ պիտի չներառուի. Լաւրով
ԵԱՀԿի Մինսկի խմբակի եռեակ համանախագահներու կազմը, որուն մաս կը կազմեն Ռուսիա, Միացեալ Նահանգները ու Ֆրանսա, ծրագրուած չէ ընդլայնել, յայտարարեց Ռուսիոյ արտաքին գործոց նախարար Սերկէյ Լաւրով:
«Մենք մնայուն կապի մէջ ենք, երէկ ես զրուցեցի Ֆրանսայի արտաքին գործոց նախարար Ժան Իվ Լը Տրիանի հետ: Աշխատակիցները կը հաղորդակցին ամերիկացի ներկայացուցիչներուն հետ», նշեց Լաւրով:
Ան աւելցուց, որ յաջորդ շաբաթ Մոսկուայի մէջ Մինսկի խմբակի միւս համանախագահներուն հետ հանդիպում նախատեսուած է:
«Մենք անոնց մանրամասնօրէն պիտի տեղեկացնենք, թէ ինչպէ՛ս մենք կը տեղակայենք խաղաղապահ ուժերը: Հաւանական է, որ խորհրդակցինք այն մասին, թէ ինչպէ՛ս կրնան նպաստել խաղաղ կեանքի հաստատման` նկատի ունենալով Լեռնային Ղարաբաղի մէջ եւ անոր շուրջ բոլոր ազգային-կրօնական համայնքներու իրաւունքները», բացատրեց Ռուսիոյ նախագահը:
Լաւրով յստակացուց, որ Թուրքիա պիտի չներառուի Մինսկի խմբակի համանախագահներու խումբին մէջ:
Ան յայտնեց, որ Արցախի կարգավիճակը պիտի որոշուի շրջանի բոլոր դասակարգերու բնակիչներու իրաւունքներուն յստակացումէն ետք:
Քաղուած «Ասպարէզ»էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
