Միլան Քաղաքը ճանչցաւ Արցախի անկախութիւնը։
«Ճանաչումը կրնայ հանգեցնել ոչ միայն արդարութեան հաստատման, այլ վերջ պիտի դնէ լռութեան, որ սկսած է դառնալ յանցագործութեան մեղսակցութիւն»,
ՍՏԵՓԱՆԱԿԵՐՏ, «Ապառաժ»․- Միլան քաղաքի քաղաքապետական խորհուրդը ճանչցաւ Արցախի անկախութիւնը եւ դատապարտեց Թուրքիոյ եւ Ատրպէյճանի յարձակումները եւ բռնարարքները:
Միաձայնութեամբ հաստատուած բանաձեւին մէջ քաղաքապետական խորհուրդը նաեւ կը յանձնարարէ Միլանի քաղաքապետին եւ քաղաքի գործադիր իշխանութիւններուն, որ դիմեն Իտալիոյ ազգային իշխանութիւններուն՝ Արցախի Հանրապետութիւնը պաշտօնապէս ճանչնալու խնդրանքով:
«Ճանաչումը կրնայ հանգեցնել ոչ միայն արդարութեան հաստատման, այլ վերջ պիտի դնէ լռութեան, որ սկսած է դառնալ յանցագործութեան մեղսակցութիւն», կ՛ըսուի քաղաքապետական խորհուրդի որոշումին մէջ:
Քաղուած «Ասպարէզ» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
17/10/2020, 07:19