Նուրհան Պատրիարքի կոչը՝ դադրեցնելու Իսրայէլի կողմէ Ատրպէյճանի զինումը
5 Հոկտեմբերին, Երուսաղէմի Հայոց պատրաիք Նուրհան արք. Մանուկեան նամակ ուղղեց Իսրայէլի վարչապետ Պենիամին Նեթանիահուին՝ կոչ ընելով դադրեցնելու Իսրայէլի կողմէ Ատրպէյճանին զէնքի վաճառքը:
Նամակէն օրինակներ ղրկուեցան նաեւ Իսրայէլի պաշտպանութեան նախարարին, խորհրդարանի խօսնակին եւ արտաքին գործոց նախարարին:
Նուրհան պատրիարքը նամակին մէջ գրած է հետեւեալը. «Ցաւալի է, որ Լեռնային Ղարաբաղի Հանրապետութեան խաղաղ հայ բնակչութեան դէմ Ատրպէյճանի յարձակողական քաղաքականութեան կը մասնակցի Իսրայէլ՝ իր աջակցութեամբ: Իսրայէլի ներկայ դիրքորոշումը հեգնանքով ցոյց կու տայ, որ Իսրայէլ անբարենպաստ վերաբերմունք ունի Հայաստանի եւ 20րդ դարու առաջին Ցեղասպանութիւնը ապրած հայ ժողովուրդի նկատմամբ: Այսօր Թուրքիա եւ Ատրպէյճան կը փորձեն ջնջել հայերը իրենց հայրենիքէն, եւ, դժբախտաբար, ձեր երկիրը կ՛օգնէ անոնց՝ հասնելու իրենց միասնական նպատակին: Ո՞ւր մնաց բարոյականութիւնը»:
Քաղուած «Ասպարէզ» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ