ՄԱԿ-ի 2019 տարուան գաղթականներու իրավիճակի վերաբերեալ տեղեկագիրը։
Վազգէն Աբարդեան - Վատիկան
Հրապարակուեցաւ ՄԱԿ-ի գաղթականներու գրասենեակի, 2019 տարուան գաղթականներու վերաբերեալ տեղեկագիրը. ըստ ՄԱԿին, պատերազմներէն, հալածանքներէն, կլիմայի փոփոխութեան եւ այլ բնական աղէտներուն հետեւեանքով գաղթականներուն թիւը հասած է 80 միլիոնի։
2019 տարուան ընթացքին վերոնշեալ պատճառներէ իրենց տուները ձգած ու փախուստ տուած են աւելի քան 27 հազար, գաղթական, մէկ տարուան մէջ 10 միլիոն անձ։
Գաղթողներու մեծ մասը ժամանած են 5 երկիրներէն։ Աֆկանիստանէն, Սուրիայէն, Վենեզուելլայէն, հարաւային Սուտանէն եւ Մայանմարէն։
Միայն Սուրիայէն վերջին տասնեակ տարիներուն գաղթի դիմած են աւելի քան 13 միլիոն անձ, նշուած է ՄԱԿի գաղթականներուն տեղեկագիրին մէջ։
Ինչ կը հայի ամենէն շատ գաղթական հիւրընկալող երկիրներուն, առաջին տեղ կը գտնէ Թուրքիան, որուն կը յաջորդէ Քոլոմպիան, Փաքիստանը եւ Ուկանտան ապա Եւրոպական երկիներէն Գերմանիան ։ Նշուած է տեղեկագիրին մէջ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
