ՄԱԿ. «Քովիտ 19»-ի պատճառով աւելին քան 49 միլիոն անձ սովի վտանգի ենթարկուած են։
Վազգէն Աբարդեան - Վատիկան
ՄԱԿ-ի ընդհանուր քարտուղար, Անթոնիօ Կութերես, պատկերասփռուած պատգամով մը անդրադարձաւ, պարենային համաշխարհային ճգնաժամային հարցերուն հայող ՄԱԿ-ի քննարկումներուն նշելով, թէ ամբողջ աշխարհին մէջ կը սպասուի համաշխարհային պարենային ճգանաժամ մը, որ պիտի ազդէ հարիւրաւոր միլիոններով մանուկներուն եւ չափահասներուն վրայ, եթէ չգործադրուին քորոնա ժահրի հետեւանքները կասեցնելու կանխազգուշացման քայլերը։
ՄԱԿ-ի ընդհանուր քարտուղարին համաձայն, աշխարհի մէջ սովէն կը տառապին աւելի քան 820 միլիոն անձ, որոնց շարքին են հինգ տարեկանէն վար 144 միլիոնմանուկներ, եւ որոնք ը համավարակի պատճառաւ կը գտնուին յետին աղքատութեան մէջ։
Մինչ՝ ՄԱԿ-ի Պարենի համաշխարհային ծրագիրի, Իտալիոյ բաժանմունքի պատասխանատուին փոխանցմամբ սնունդի վտանգի ենթարկուած են նաեւ այն երկիրները, ուր առատ սնունդ կ՝արտադրուի, սննդի արտադրութեան ընդհատման պատճառաւ։ Ան անհրաժեշտ նկատած է աջակցիլ սնունդ արտադրող ընկերութիւններուն, պաշտպանելով գործաւորները եւ շարունակելով միջազգային օգնութիւններն ու ապրանքներուն փոխանակումը։
Սովի վտանգի պատաճառ է նաեւ սղաճը, նշած է ՄԱԿ-ի պարենի համաշխարհային ծրագիրի Իտալական բաժանմունքի պատասխանատուն, շեշտելով, որ պէտք է խուսափիլ առողջապահական համաճարակը սովի համաճարակ վերածելէ եւ հարկաւոր է պաշտպանել մանուկներու սնունդի անվտանգութիւնը։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ