ՕԹԱՆ կը պատրաստուի «Քորոնա» ժահրի հնարաւոր երկրորդ ալիքին։
ՕԹԱՆ կը ծրագրէ «Քորոնա» ժահրի հաւանական երկրորդ ալիքի պարագային անդամ եւ դաշինքին հետ աշխուժ համագործակցող պետութիւններուն արագ ու արդիւնաւէտ աջակցութիւն ցուցաբերել: Այս մասին կը հաղորդէ ռուսական ԹԱՍՍ լրատու գործակալութիւնը:
ՕԹԱՆ-ի ընդհանուր քարտուղարը յայտնած է, որ այս ուղղութեամբ յստակ առաջարկներ պիտի ներկայացուին անդամ պետութիւններու պաշտպանութեան նախարարներուն մասնակցութեամբ յունիսի կիսուն նախատեսուող տեսաժողովի ընթացքին:
Կը նախատեսուի աջակցութիւն ցուցաբերել դեղորայքի փոխադրման համար փոխադրամիջոցներու տրամադրման, պաշտպանական արտահագուստներու եւ դեղորայքի արտադրանքներու պահպանման համար պահեստներու ստեղծման:
Քաղուած «Ազդակ»էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
