«Քորոնա» ժահրը Հայաստանի մէջ
8 յունիսի դրութեամբ Հայաստանի մէջ «Քորոնա» ժահրով վարակուածներուն թիւը աւելցած է 195 նոր պարագայով, մահացած է 11 անձ: Այսպիսով «Քորոնա» ժահրով վարակուածներուն ընդհանուր թիւը հասաւ 13.325-ի, որոնցմէ 4099-ը` ապաքինած, իսկ մահացածներուն թիւը 211 է:
Հայաստանի առողջապահութեան նախարար Արսէն Թորոսեան յայտնեց, որ ներկայիս բուժում ստացողներուն մէջ կան 403 անձեր, որոնց վիճակը բաւական ծանր է, իսկ 94 ուրիշներ` ծայրայեղ ծանր կացութեան մէջ:
Առողջապահութեան նախարարութեան բանբեր Ալինա Նիկողոսեան իր կարգին տեղեկացուց, որ «Քորոնա»-ի քննութիւն կատարող տարրալուծարանները շաբաթ եւ կիրակի օրերը չեն աշխատած, այդ պատճառով ալ արդիւնքները քիչ են:
Քաղուած «Ազդակ» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ