Սուրիոյ մշակոյթի նախարարութիւնը պարգեւատրած է Հայ պատգամաւոր Նորա Արիսեանը:
Սուրիոյ Մշակոյթի նախարարութեան կողմէ պարգեւատրած է հայ պատգամաւոր, պատմաբան, թարգմանիչ, արեւելագէտ, Սուրիա-Հայաստան բարեկամական խորհրդարանական յանձնաժողովի նախագահ Նորա Արիսեան: «Արմենփրես”-ի հաղորդմամբ` Մարտ 8-ին Դամասկոսի ազգային օփերայի շէնքին մէջ տեղի ունեցած է Մշակոյթի նախարարութեան կողմէ կազմակերպուած «Մշակոյթը կը վերականգնէ իր յաղթանակը» խորագիրով փառատօնի հանդիսաւոր բացումը, որու ընթացքին պարգեւատրուած է հայ պատգամաւորը:
Պարգեւները յանձնած է Սուրիոյ մշակոյթի նախարար Մուհամմատ Ահմատին:
Պարգեւատրուած են թարգմանիչներ, դերասաններ եւ այլ գործիչներ, որոնք իրենց ներդրումը ունեցած են Սուրիոյ մշակոյթի զարգացման գործին:
Քաղուած Եռագոյնէն:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ