Աշխարհին մէջ կաթողիկէներու թիւը հասաւ 1 միլիառ 345 միլիոնի։
Ռոպէր Աթթարեան - Վատիկան
2018-էն ի վեր աշխարհի մէջ կաթողիկէներու թիւը աճեցաւ 16 միլիոնով։ Այս ցուցանիշը կը բխի 2021 –ի Քահանայապետական տարեգիրքէն և 2019 Եկեղեցական վիճակագրական տարեգիրքէն։
Արդարեւ Կաթողիկէներու թիւը 2019-ի աւարտին հասաւ մէկ միլիառ 345 միլիոնի, աշխարհի բնակչութեան 17.7 առ հարիւրը։
2018-2019 տարեշրջանին հայող վերլուծութիւնը ցոյց կու տայ, որ Ափրիկէի մէջ կաթողիկէներու թիւը աճած է 3.4%, Ասիայի մէջ 1.3%, Ովկիանիայի մէջ 1.1% և Ամերիկայի մէջ 0.84%, մինչ Եւրոպայի մէջ կը նկատուի աննշան նուազում մը։
Գալով կղերական դասին 2019-ի աւարտին եպիսկոպոսներու թիւը 5.364 էր, որոնց 68.8 առ հարիւրը Ամերիկեան եւ Եւրոպական ցամաքամասերէն կու գան։ Քահանաներու թիւն ալ աճած է ու հասած 414.336 մինչդեռ նուացած են Քահանայութեան թեկնածուներու թիւը եւ 2018-ի 115.880էն 2019-ին անցած են 115.880-ի։ Ասոնց դիմաց սակայն մնայուն սարկաւագներու թիւը քաջալերական է տրուած ըլլալով, որ անոնց թիւը 2019 թուականին աճեցաւ 1.5 առ հարիւրով։
Կրօնաւորներուն թիւը 2018-ին 50.941 էր իսկ 2019 –ին 50.295 մինչ կրօնաւորուհիներուն թիւը 2018-ի 641.661, 2019-ին հասաւ 630.099։
Այս ծիրէն ներս Ափրիկեան ցամաքամասին մէջ արձանագրուած է 1.1 առ հարիւրով աճ իսկ միւս ցամաքամասերուն մէջ կրօնաւորուհիներուն թիւը նուազած է։ Ամերիկայի մէջ 160.032էն անցած է 154.717-ի, Եւրոպայի մէջ 224.246էն անցած է 216.846-իեւ Ովկիանիայի մէջ 6.999էն` 6.718-ի։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ