Համագումար նուիրուած Սուրբ Աթոռի Եւրոպական խորհուդին անդամակցութեան 50-րդ տարեդարձին:
Վազգէն Աբարդեան - Վատիկան
7-էն-9 յունուար 2020-ին, Ֆրանսայի Սթրասպուրկ քաղաքի համալսարանէն ներս տեղի կ՝ունենայ «Միասին կառուցել Եւրոպան,. 50 տարի ետք Սուրբ Աթոռի Եւրոպայի խորհուրդին մէջ» բնաբանով միջկրթական համագումար, նախաձեռնութեամբ , Եւրոպական խորհուրդէն ներս Սուրբ Աթոռի մնայուն առաքելութիւն կազմակերպութեան:
Նշենք, թէ 7 մարտ 1970-ին, Եւրոպական խորհուրդը ընդունեց, Եւրոպական խորհուրդէն ներս, Սուրբ Աթոռին մնայուն դէտի կարգավիճակը:
Արդարեւ, երեքշաբթի, 7 յունուարին, վերոնշեալ համագումարին բացման արարողութեան ելոյթ կ՝ունենան Եւրոպական Խորհուրդի ընդհանուր քարտուղար Մարիժա Փեչինովիչ Պուրիբ, եւ միեւնոյն խորհուրդին մօտ մնայուն դէտ գերապայծառ Մարքօ Կանչի:
Համագումարին ընթացքին զրուցողներուն շարքին են, Սուրբ Աթոռի այլ պետութիւններուն հետ յարաբերութեան քարտուղար գերապայծառ Ռիչարտ Կալլակեր եւ Աստուածաբան Լուք Փերին:
Համագումարի երկրորդ օրը քննարկումի նիւթ կը հանդիսանայ Եւրոպայի կառուցման իրենց նպաստը բերող քրիստոնեաները, անոնց դիմագրաւած իրաւական մարտահրաւէրները, լուսարձակի տակ առնելով կրօնական ազատութեան նիւթը:
Պիտի արծարծուին նաեւ Եւրոպայի մէջ ընկերութեան եւ կրօններուն միջեւ յարաբերութեան հայող նիւթերը, յատուկէն համամիութենականութեան հայող:
Համագումարին նիստերուն նիւթ պիտի հանդիսանայ գաղթականութեան ֆինասնական թափանացիկութեան կապուած բարոյական հարցեր: Պիտի շօշափուին մարդկային իրաւունքներուն եւ անձին արժանապատոուութեան յարգանքի հաղող նիւթեր ինչպէս նաեւ հաւատքի եւ քաղաքականութեան միջեւ գոյացած յարաբերութեան մասին նիւթեր:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
