Ֆրանչիսկոս Պապ ընդունեց Սլովաքիոյ հանրապետութեան վարչապետը:
Երկուշաբթի, 9 դեկտեմբերին, Վատիկանի մէջ ֆրանչիսկոս Պապ ընդունեց Սլովաքիոյ հանրապետութեան վարչապետ Տիար Փիթեր Փելլեկրինին, վարչապետը ապա հանդիպում ունեցած է Վատիկանի Պետական քարտուղար կարդինալ Փիեթրօ Փարոլինին հետ ընկերակցութեամբ պետութիւններուն հետ յարաբերութեան քարտուղար Գերապայծառ Ռիչարտ Կալլակերին: Այս մասին յայտնեց Սուրբ Աթոռի մամլոյ գրասենեակը հաղորդելով մէկ հաղորդագրութիւն մը որուն մէջ նշուած է նաեւ որ յիշեալ հանդիպումները կայացած են սիրալիր մթնոլորտին մէջ, որուն ընթացքին անդրադարձ կատարուած է Սուրբ Աթոռի եւ Սլովաքիոյ մէջ գոյացած բարի յարաբերութիւններուն, մաղթելով որ ամրապնդուին այդ յարաբերութիւնները կրթական մարզէն ներս:
Քննարկումի նիւթ եղած է Սլովաքիոյ մէջ իրաւական գետնի, կրօնական հասարակութիւններուն ի նպաստ վերջերս որդեգրուած օրէնքները, շօշափուած են երկուստեք հետաքրքրող նիւթեր,հայող ազգային փոքրամասնութիւններուն կրօնական ազատութեան խթանման, ընկերային արդարադատութեան եւ հիւրընկալութեան :
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
