2018 տարուայ Վատիկանի մսուրն ու տօնածառը Իտալիայի նուէր։

Ռոպէր Աթթարեան - Վատիկան

Ամանորի ու Սուրբ Ծննդեան  տօներուն առթիւ աւանդութիւնն է Վատիկանի Սուրբ Պետրոսի հրապարակը զարդարել ամանորի տօնածառով եւ Յիսուսին սուրբ ծնունդը խորհրդանշող հսկայական մսուրով մը։ 

2018 տարուայ Սուրբ Մսուրը նուէրէն է Իտալիոյ Եզոլօ քաղաքին, մինչ տօնածառը պիտի ժամանէ Քոնքորտիա-Փորտենոնէ թեմէն։

Տօնածառի բարձրութիւնն է 21 մեթր։ Անոր զարդարանքը պիտի հոգայ Վատիկանի թէխնիքական ծառայութեան գրասենեակի տնօրէնութիւնը «Օսրամ» ընկերութեան համագործակցութեամբ։ Այս վերջինս  պիտի զբաղի ծառին լուսաւորումով։ Մինչ Մսուրը պիտի կառուցուի 25 մեթր քառակուսի տարածքի վրայ ։

Մսուրին ու տօնածառին բացման արարողութիւնը  նախատեսուած է յառաջիկայ 7 դեկտեմբեր 2018-ին։ Սուրբ Ծննդեան տօները խորհրդանշող այս երկու յատկանշական զարդերը Սուրբ Պետրոսի հրապարակին վրայ կը մնան մինչեւ 13 յունուար 2019՝ որ Լատինաց մօտ  Յիսուսի Սուրբ Մկրտութեան տօնին օրն է։