Ֆրանչիսկոս Պապ կը շարունակէ հոգալ աղքատներուն կարիքները։  

Վազգէն Աբարդեան - Վատիկան

Ուրբաթ, հոկտեմբեր, 16ին, Ֆրանչիսկոս Սրբազան Պապը առաքելական որղորմնաբաշխին միջոցաւ մարդասիրական օգնութիւն ուղարկեց, Իտալիոյ Քալապրիա քաղաքին մէջ ապրող չքաւորներուն, գաղթականներուն համար։

Քալապրիա մարզի, Ճոյա Թաուրօ քաղաքին մէջ երկու տասնեակ տարիներէ ի վեր կը գործէ «Il Cenacolo» անուան բարեսիրական կեդրոնը յատուկէն զբաղելով անօրէն կերպով Իտալիա մուտք գործած գաղթականներով։  

Առաքելական ողորմնաբաշխ, կարդինալ Քոնրատ Քրաժսեսլի, նշեալ բարեսիրական կեդրոնին, Սրբազան Քահանայապետի անունով փոխանցեց, սննդամթերք, նիւթական օգնութիւն, վարդարաններ ապա Frattelli Tutti վերջին շրջաբերականէն օրինակներ կեդրոնի կամաւորներուն։

Նորին Սրբութեան ուղարկած պարգեւները ստացաւ Հայր Կաուտիօզօ Մերքուրին, «Վարափոտիօ»ի ժողովրդապետը, որ իր կարգին փոխանցեց «Il Cenacolo» կեդրոնին, ուր ոչ միայն կ՝ապրին Ափրիկեցի գաղթականներ այլեւ աղքատ Իտալացիներ, անգործ մնացած ընտանիքի հայրեր։