Բարթողոմէոս Ա Տիեզերական Պատրիարքին զօրակցական պատգամները՝ Ֆրանչիսկոս Պապին եւ Իտալիոյ հանրապետութեան նախագահին։
Վազգէն Աբարդեան-Վատիկան
Կոստանդնուպոլսոյ Բարթողոմէոս Ա տիեզերական Պատրիարքը երկու պատգամներով իր զօրակցութիւնն է յայտնած է Ֆրանչիսկոս Պապին եւ Իտալիոյ հանրապետութեան նախագահ Տիար Սերճօ Մաթթարելայի միջոցաւ Իտալիոյ համայն ժողովուրդին, որ թիրախ դարձած է քորոնա ժահրի համաճարակին, որուն հետեւանքով մինչեւ այսօր իտալիոյ մէջ պատճառած է աւելի քան 5500 զոհ։
Տիեզերական Պատրիարքը պատգամին մէջ բարձր գնահատած ու գոված է Իտալիոյ հանրային առողջապահութեան անձնակազմի ունեցած քաջութիւնը ու զոհողութեան հոգին, իր երախտագիտութիւնը յայտնելով հիւանդներուն ի սպաս ի գործ դրուած անսահման ջանքերուն համար։
Պատգամին մէջ Բարթողոմէոս Ա Պատրիարքը իր մօտիկութիւնը յայտնելով բոլոր ընտանիքներուն, ընդգծած թէ ինք Քառասնորդացի մեծ պահքի շրջանին պիտի շարունակէ աղօթել խնդրելով Աստուծմէ հիւանդներուն ամոքում, մեռեալներուն յաւիտենական կեանք, մխիթարութիւն ու սփոփանք զոհերուն ընտանեկան պարագաներուն ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
