Ֆրանչիսկոս Պապ սկիզբ տուաւ Ամազոնեան տարածաշրջանին նուիրուած եպիսկոպոսներու սինոդի աշխատանքներուն:
Վազգէն Աբարդեան - Վատիկան
Երկուշաբթի, 7 հոկտեմբերին, Վատիկանի մէջ Ֆրանչիսկոս Պապ սկիզբ տուաւ ամազոնեան տարածաշրջանին նուիրուած «Նոր ուղիներ Եկեղեցւոյ եւ համապարփակ բնապահպանութեան համար» նիւթով եպիսկոպոսներուն սինոդին:
Այս Առթիւ ներկայացուցած խորհրդածութեան մէջ Սրբազան Հայրը եպիսկոպոսներուն նկատել տուաւ որ ամազոնեան տարածաշրջանին նուիրուած սինոդը, խորհրդարանական նիստ մը չէ այլ առիթ է ՝ խոկալու, հեզութեամբ ունկնդրելու եւ քաջութեամբ զրուցելու:
Նորին Սրբութիւնը յանձնարարեց զգուշութեամբ մօտենալ Ամազոնի ժողովուրդներուն, յարգել անոնց պատմութիւնը, մշակոյթը, ապրելաձեւն ու անոնց կեանքի բանաստեղծութիւնը: Ան զզուացուց եպիսկոպոսները, որ հեռու մնան այն ընկերային զարգացումի ծրագիրներէն, որոնք անցեալին ամազոնեան տարածաշրջանը առաջնորդեցին շահագործումի եւ անտառահատումի:
Ի վերջոյ Սրբազան Հայրը յորդորեց եպիսկոպոսները, որ ունենան միսիոնարներու եւ առաքեալներու սիրտեր, յարգելով ինքնիշան ժողովուրդի մը իրականութիւնը:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
