Ֆրանչիսկոս Պապին քարոզը միսիոներութեան հոկտեմբեր ամսուան բացման արարողութեան ընթացքին:
Վազգէն Աբարդեան - Վատիկան
Երեքշաբթի, 1 հոկտեմբերին, երեկոյեան, ֆրանչիսկոս Սրբազան Պապը Սուրբ Պետրոսի տաճարին մէջ նախագահեց Ժամերգութեան աղօթքին, որուն ընթացքին բացումը կատարեց միսիոներութեան նուիրուած հոկտեմբեր ամսուան:
Ժամերգութեան աղօթքին ներկայ էին Իտալիոյ մէջ հիմնուած միսիոներական հաստութիւններուն մեծաւորներն ու մեծաւորուհիները ինչպէս նաեւ միսիոներական նոր պաշտօն ստանձնող կղերականները եւ կարգ մը աշխարականներ:
Միսիոնարներուն ուղղած սիրտին խօսքին մէջ Նորին Սրբութիւն անդրադարձաւ բարի ծառային՝ Յիսուսին առակին:
.Տէրը ծառաները կանչեց Իր հարստութիւնները յանձնելու համար: Աստուած մեզի վստահած է Իր ամէնէն մեծ բարիքներ՝ մեր կեանքը, ուրիշներուն կեանք եւ իւրաքանչիւրին համար բազմաթիւ պարգեւները: Այս բարիքները, ձիրքերը, գանձանակին մէջ պահպանուելիք բաներ չեն, այլ կոչում է : Տէրը մեզի կը կանչէ ձիրքերը արդիւնաբեր դարձնելու համար՝ քաջութեամբ եւ ստեղծագործական հոգիով:: ըսաւ Ֆրանչիսկոս Պապը ապա մաղթեց որ միսիոներական արտակարգ հոկտեմբեր ամիսը խթան հանդիսանայ բարիին մէջ գործօն եւ աշխուժ բարի միսիոնարներ դառնալու : Նորին Սրբութիւն ապա ակնարկեց բարի միսիոնարներ դառնալու յատկութիւններուն:
«Բարի միսիոնարներ կը դառնանք, ապրելով որպէս վկաներ: Կեանքի վկայութեամբ ՝ որ Յիսուսը կը ճանչնանք:, խօսուն կեանք:»
Ֆրանչիսկոս Պապ քարոզը աւարտեց նկատել տալով որ միսիոներական առաքելութեան դերակատարը Սուրբ Հոգին: է: Միսիոնարը պէտք է յառաջ երթայ այն վստահութեամբ, որ Սուրբ Հոգին իր կողքին է եւ Տէրը երբեք զայն մինակ պիտի չթողու: Միսիոնարը վկայելով, պիտի բացայայտէ թէ Սուրբ Հոգին զայն կը կանխէ, իրմէ առաջ կը հասնի ՝ ճամբան հարթելու համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
