Ֆրանչիսկոս Պապին հոկտեմբեր ամսուան առաքելական աղօթքի դիտաւորութեան տեսերիզը:
Վազգէն Աբարդեան - Վատիկան
Երեքշաբթի, 1 հոկտեմբերին, «Պապի աղօթքի համաշխարհային ցանց»ը լոյս ընծայեց, ֆրանչիսկոս Պապին հոկտեմբեր ամսուան աղօթքի դիտաւորութեան տեսերիզը:
Այս առնչութեամբ հրապարակած հաղորդագրութեան մէջ «Պապի աղօթքի համաշխարհային ցանց»ը կը նշէ թէ, Հոկտեմբեր ամսուան Պապի տեսերիզը հասցէագրուած է բոլոր կաթողիկէներուն, որպէսզի վերակենդանացնեն միսիոներական գիտակցութիւնը եւ դիմագրաւեն Յարուցեալ Քրիստոսը հռչակելու մարտահրաւէրը:
Հաղորդագրութեան մէջ նշուած է նաեւ, Պապին աղօթքի այս ամսուան աղօթքի դիտաւորութեան տեսերիզը կապուած է ֆրանչիսկոս Պապին կողմէ հռչակուած միսիոներական արտակարգ հ ամսուան հետ, որուն նպատակն է խթանել եկեղեցւոյ՝ ժողովուրդի ի սպաս աւետարանումի գործունէութիւնները :
«Քահանայապետական Միսիոներական գործեր» բաժանմունքը, ընդառաջելով ֆրանչիսկոս Պապին խնդրանքին, այնպէս մը ըրին որ հոկտեմբեր ամիսը ըլլայ շնորհքի եւ բեղուն ամիս, խթանելու համար ծրագիրներ եւ յատուկէն բազմապատկել աղօթքի ձեռնակներ, որ է իւրաքանչիւր առաքելութեան հոգին:
Հոկտեմբեր ամսուան քահանայապետական աղօթքի դիտաւորութեան տեսերիզին մէջ Ֆրանչիսկոս Պապ ըսաւ
«Այսօր անհրաժեշտ է նոր խթան մը եկեղեցւոյ միսիոներական աշխատանքներու մէջ՝ դիմագրաւելու համար յարուցեալ Քրիստոսը հռչակելու մարտահրաւէրը:
Հասնիլ արուարձանները, մարդկային միջավայրերը, մշակութային եւ կրօնական միջավայրերը ՝ տակաւին անծանօթ Աւետարանին: Ասոր մէջ կը կայանայ այն ինչ որ կը սահմանենք ժողովուրդին առաքելութիւնը:
Եւ յիշել, որ եկեղեցւոյ առաքելութեան սիրտը կը կայանայ աղօթքի մէջ:
Այս միսիոներական ամսուան ընթացքին աղօթենք, որպէսզի սուրբ Հոգին յարուցանէ նոր միսիոներական գարուն, բոլոր մկրտեալներուն եւ եկեղեցւոյ կողմէ առաքուածներու համար»:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ