Ֆրանչիսկոս Պապի պատգամը Քափուչիններու փոքրիկ եղբայրներու միաբանութեան կրօնաւորներուն
Վազգէն Աբարդեան - Վատիկան
Վատիկանի Քլեմենթինա անուան դահլիճին մէջ, ուրբաթ, սեպտեմբեր 14-ին, ֆրանչիսկոս Պապ ընդունեց Քափուչիններու փոքրիկ եղբայրներ միաբանութեան աւելի քան 250 կրօնաւորներ, Հռոմի մէջ գումարած իրենց տարեկան ընդհանուր ժողովին առիթով:
Այս առթիւ կրօնաւորներուն ներկայացուցած գրաւոր պատգամին մէջ Սրբազան Հայրը շեշտը դրաւ Աստուծոյ հեզաբարոյ ու պարզ վարուելակերպին վրայ, հրաւիրելով կրօնաւորները որ իրենց կեանքին ու առաքելութեան մէջ որդեգրեն Աստուծոյ սոյն վարուելակերպը:
Ան ապա դիտել տալով իսկական մեծութիւնը կը կայանայ փոքրիկ ու ծառայ ըլլալու մէջ,քաջալերեց կրօնաւորները որ իրենց սրտի հեզութեամբ շարունակեն նպաստել Եկեղեցւոյ աւետարանումի յանձնառութեան:
Սրբազան Հայր ապա գնահատեց փոքրիկ եղբայրներու միաբանութեան վեհանձն առաքելութիւնը, զոր կը կատարեն, ուղիղ կապ հաստատելով տարբեր մշակոյթներու պատկան ժողովուրդներուն հետ, յատկապէս աղքատներուն ու տառապողներուն հետ:
Ան ապա յորդորեց կրօնաւորները, որ հետեւին Աստուածային Վարդապետի շուքին եւ Սուրբ Ֆրանչիսկոսի օրինակին, քաջալերով զանոնք անշահախնդիր ու հեզութեամբ ապրիլ իրենց հասարակաց կեանքի յարաբերութիւններն ու կրօնային գործունէութիւնները:
Սրբազան Հայրը մեծարեց Քափուչիններու փոքրիկ եղբայրներու միաբանութիւնը նկատելով զայն թանկարժէք եւ օգտակար պարգեւ ըլլայ եկեղեցւոյ ըլլայ մարդկութեան համար:
Ան Ապա քաջալերեց կրօնաւորները յարատեւելու իրենց առաքելութեան մէջ յորդորելով, որ չյուսալքուին դժուարութիւններուն դիմաց, որոնք շարքին եղբայրներու թիւի նուազումը:
Սրբազան Հայրը անդրադարձաւ ժամանակակից աշխարհին, որ մեծ հոգեւոր եւ բարոյական անկումի մէջ կ՝ապրի, խրախուսելով կղերականները չդադրիլ աղօթքի վարդապետներ ըլլալէ, մշակելով զօրաւոր հոգեւորականութիւն:
Նորին Սրբութիւնը գրաւոր պատագամը աւարտած է բոլորին շնորհելով Իր առաքելական օրհնութիւնները:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
