Քահանայապետական անուանումներ
Վազգէն Աբարդեան - Վատիկան
Ֆրանչիսկոս Պապ, 12 յունիս 2018-ին, ընդունելով Վատիկանի ընդհանուր գործերու տեղակալ Գերապայծառ Անճելօ Պեչչուն, որոշեց «կարդինալական Եպիսկոպոսաց կարգի» բարձրացնել Վատիկանի Պետական Քարտուղար՝Կարդինալ Փիեթրօ Փարոլինը, Արեւելեան եկեղեցիներուն ժողովի կառավարիչ՝ Կարդինալ Լեոնարտօ Սանտրին, Եպիսկոպոսներու ժողովի կառավարիչ Կարդինալ Մարք Ուելլեն, Ժողովուրդներուն աւետարանացումի ժողովի կառավարիչ՝ Կարդինալ Ֆերնանտօ Ֆիլոնին, որոնք այս անուանումով կ՛ունենան Տիտղոսաւոր Կարդինալներու հանգամանք:
Ֆրանչիսկոս Պապի հրամանագիրը ուժի մէջ կը մտնէ 28 Յունիս 2018-ին «Օսսերվաթորէ Ռոմանօ» թերթին մէջ հրամանագիրի հրապարակումով:
Ֆրանչիսոս Պապ ապա Առաքելական Աթոռին Ստացուածքի մատակարարութեան նախագահ՝ Կարդինալ Տօմենիքօ Քալքանոն՝ տարիքի բերումով հրաժարականը ընդունելով միեւնոյն պաշտօնին վրայ նշանակեց Գերապայծառ Նունցիօ Կալանթինոն՝ որ մինչեւ օրս կը վարէր Իտալիոյ եպիսկոպոսաց համահաւաք դասի քարտուղարի պաշտօնը :
Նորին Սրբութիւնը ապա Հայր Խօսէ Թոլենթինօ Քալաքան անուանեց «Առաքելական մատենադարանի արխիւի պատասխանատու, անոր շնորհելով Սուավա թեմի տիտղոսաւոր Արքեպիսկոպոսի տիտղոսը: Հայր խօսէ մինչեւ օրս պաշտօնավարած է Լիզպոնի կաթողիկէ համալսարանին փոխ տեսուչի պաշտօնը ։ Ան իր նոր պաշտօնը պիտի ստանձնէ յառաջիկայ 1 սեպտեմբեր 2018-ին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
