Ֆրանչիսկոս Պապ քահանաները թող քաջութիւնը ունենան հիւանդներուն Սուրբ Հաղորդութիւնը տանելու :
Վազգէն Աբարդեան - Վատիկան
Երեքշաբթի, 10 մարտ, երկրորդ օրն ըլլալով, Ֆրանչիսկոս Պապին Տոմուս Սանթա մարթա տան մէջ մատուցած սուրբ պատարագը Վատիկանի Նիւզի միջոցաւ ուղիղ եթերով սփռուեցաւ համայն աշխարհի կողմերը:
Յիշենք, թէ Սրբազան Հայր երէկ՝ արտասանած քարոզին մէջ խնդրեց, որ աղօթենք առողջապահական գործիչներուն , Քորոնա ժահրէ վարակուած հիւանդներուն համար մինչ այսօր՝ քահանաներէն կը խնդրէ, որ քաջութիւնը ունենան Սուրբ Հաղորդութիւնը տանելու հիւանդներու ինչպէս նաեւ ընկերանալու առողջապահական գործիչներուն:
Նորին Սրբութեան այսօրուան քարոզին նիւթը եղաւ մեղքը: Ան նշեց, թէ այսօր Տէրը մեզ կը հրաւիրէ իր հետ երկխօսութիւն հաստատելու, որովհետեւ մենք՝ մեղաւորներս մեղքի պատճառաւ մենք մեզ ամօթ զգալովմեր մէջ կը ներփակուինք ու կը մեկուսանանք: «Մեղքը ճշմարտութիւնը կը թաքցնէ: Մեղաւորը երբ ամօթ կը զգայ ՝թաքնուելու փորձութիւնը կ՝ունենայ» ըսաւ Սրբազան Հայրը աւելցնելով, որ այսպէս պատահեցաւ Ադամ եւ Եւային հետ:
«Մինչ՝ Յիսուս մեզ կը քաջալերէ չվախենալու ըսելով. ինծի եկէք քաջ եղէք՝ նաեւ ձեր թշուառութիւններով» ըսաւ Ֆրանչիսկոս Պապ ապա մատնանշեց թէ սնապարծութիւնը Յիսուսի «ինծի ըկուր» հրաւէրին դիմաց փակուելու ճիշդ վայրն է: «Յիսուսի հրաւէրը՝ ինծի եկուր հօր մը եղբօր մը հրաւէր է: Թող այս Տիրոջ հրաւէրը մեզի քաջալերանք հանդիսանայ եւ թող որ մեր աղօթքը ըլլայ իսական աղօթք:» ըսաւ Ֆրանչիսկոս Պապ քարոզը աւարտելով:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ