«Ճանապարհ Խաչի» ի ջերմեռանդութիւնը՝ Արհիապատիւ Միքայէլ Եպիսկոպոս Մուրատեանի մեկնաբանութեամբ։
Քառասնորդաց շրջանը կը յատկանշուի «Ճանապարհ Խաչի» ջերմեռանդութեամբ: Ան կը կատարուի ամէն ուրբաթ, ի յիշատակ մեր Տիրոջ Յիսուս Քրիստոսի դառն չարչարանքներուն:
Խաչի ճանապարհը կազմուած 14 կայաններէ առաւել մէկ, որոնք կը յատկանշեն Յիսուսին դէպի գողգոթայ տանող ճանապարհին իւրայատուկ դէպքերը։
Հիւսիսային Ամերիկայի Տիրամայր Նարեկի Հայ Կաթողիկէ Թեմին առաջնորդ՝ Արհիապատիւ Միքայէլ Եպիսկոպոս Մուրատեան, Ռատիօ Վատիկան – Վատիկան Նիուզին հետ ունեցած զրոյցի մը ընթացքին խորհրդածեց «Ճանապարհ Խաչի» ի ջերմեռանդութեան մասին, մեկնաբանելով այդ ճանապարհի 14 կայանները։
Առաջին կայան. Յիսուսի մահուան կը դատապարտուի։
Երկրորդ կայան. Յիսուս խաչը կ՛առնէ ուսին վրայ։
Երրորդ կայան. Յիսուս խաչին ծանրութեան տակ գետին կ՛իյնայ
Չորրորդ կայան. Յիսուս կը հանդիպի իր մօր՝ Սուրբ Կոյս Մարիամին։
Հինգերորդ կայան. Սիմոն Կիւրենացին Յիսուսին խաչը կը շալկէ։
Վեցերորդ կայան. Վերոնիքա անունով կին մը կը սրբէ Յիսուսին վիրաւոր ու արիւնլուայ երեսը։
Եօթներորդ կայան. Յիսուս երկրորդ անգամ կ՛իյնայ Խաչի ծանրութեան տակ
Ութերորդ կայան. Յիսուս կը մխիթարէ Երուսաղէմի կիները։
Իններորդ կայան. Յիսուսի երորդ անգամ կ՛իյնայ։
Տասներորդ կայան։ Յիսուս կը մերկացուի
Տասնմէկերորդ կայան։ Յիսուսին խաչելութիւնը։
Տասներկրորդ կայան. Յիսուս Հոգին կ՛աւանդէ առ Հայր։
Տասներեքերորդ կայան. Յիսուս կը յանձնուի իր մօր։
Տասնչորրորդ կայան. Յիսուս գերեզման կը դրուի։
Յիսուսին գերեզման զետեղումը վերջին հանգրուանը չէ, վերջին հանգրուանը այդ գերեզմանը դատարկ գտնելն է՝ Յիսուսին հրաշափառ Յարութիւնն է մեռելներէն։ Յարութիւն որ քրիստոնէական հաւատքին սիրտն է ու մարդկութեան յոյսը։
Իր չարչարանքներով., մահուամբ ու հրաշափառ Յարութեամբ Տէրը մեր առջեւ բացաւ նոր ճամբայ մը՝ ճամբայ որ կը տանի դէպի յաւիտենականութիւն, ճամբայ որ մեզի կ՛առաջնորդէ դէպի երկինք՝ հաւատացեալի իսկական ու վերջնական հայրենիքը։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
