Ծնունդ է ամէն անգամ…Մայր Թերեզային խոկումներէն
Ծնունդ է ամէն անգամ,
երբ կը ժպտաս քու եղբօրդ և ձեռք կ՛երկարես անոր։
Ծնունդ է ամէն անգամ,
երբ կը լռես մտիկ ընելու համար ուրիշին։
Ծնունդ է ամէն անգամ
երբ կը հրաժարիս այն սկզբունքներէն որոնք լուսանցքային կը դարձնեն հարստահարուածները։
Ծնունդ է ամէն անգամ
երբ յոյսի շող մը կը նուիրես ֆիզիկական ու հոգեւոր աղքատութեան մէջ գտնուող յուսահատուածներուն։
Ծնունդ է ամէն անգամ
երբ խոնարհութեամբ կ՛ընդունիս թէ որքան չնչին են քու կարողութիւններդ,
և որքան մեծ է քու տկարութիւնդ։
Ծնունդ է ամէն անգամ
երբ թոյլ կու տաս, որ Աստուած սիրէ ուրիշները քու միջոցաւդ…
երբ թոյլ կու տաս որ Տէրը վերածնի` զայն նուիրելու համար ուրիշներուն։
Կալկաթայի Մայր Թերեզա
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
