Սուրբ Ծննդեան ու Ամանորի տօներուն առթիւ բարեգործական տօնավաճառ Փանիկի մէջ։

Փանիկի Հայ  Կաթողիկէ Սուրբ Աստուածածին ժողովրդապետութեան առաջարկով, յառաջիկայ կիրակի  մէկ դեկտեմբեր 2019-ին Փանիկ գիւղի կաթողիկէ եկեղեցւոյ մէջ մատուցուած կիրակնօրեայ սուրբ պատարագի աւարտին՝ Փանիկի լսարանի շէնքին մէջ նախատեսուած  է տարեկան բարեգործական տօնավաճառի բացումը։ Տօնավաճառը  բաց կը մնայ մինչեւ 12 Յունուար  2020։

Աւանդական սոյն տօնավաճառի հասոյթը ՝ Փանիկ գիւղի երիտասարդներուն ու տիկնաց միութեան նախաձեռնութեամբ պիտի տրամադրուի Փանիկ գիւղի անապահով ընտանիքներուն։

«Նպատակը անշուշտ միայն հասոյթն ու գումարը չէ այլ Փանիկ գիւղին մէջ զօրակցական հոգին ամրապնդելն է եւ տօնական օրերուն ուրախութիւնն ու երջանկութիւնը միասին կիսելն է» ըսած է այս առթիւ Փանիկ գիւղի Սուրբ Աստուածածին Հայ Կաթողիկէ  Եեղեցւոյ ժողովրդապետ՝ Գերյարգելի Հայր Գառնիկ Ծ. Վրդ. Յովսէփեան։