Святы Айцец нечакана наведаў рымскі ліцэй
20 снежня 2019 г. Папа здзейсніў візіт у рымскі ліцэй “Pilo Albirtelli”, недалёка ад базылікі Санта-Марыя-Маджорэ. Падзея не была прадугледжана афіцыйнай праграмай мерапрыемстваў з яго ўдзелам.
Святы Айцец прывітаў персанал навучальнай установы, а таксама моладзь, якая прыма ўдзел у напісанні разважанняў да набажэнства Крыжовага шляху, што праходзіла ў 2018 г. у рымскім Калізеі.
У двары ліцэя Папа звярнуўся да каля 800 юнакоў і дзяўчат. Ён казаў пра небяспеку меланхоліі, якая можа з’явіцца ў выніку кепскага перажывання самотнасці, казаў пра бескарыслівую любоў, якая з’яўляецца “складаным шляхам”, што складаецца з ахвярнасці і цярплівасці. Закраналіся пытанні, звязаныя з міграцыяй і патрэбай у евангельскім сведчанні перад няверуючымі. Францішак павіншаваў моладзь з надыходзячым каляднымі святамі і нагадаў ім пра важнасць гульняў і сну, які “дае кісларод душы”.
20 снежня 2019, 14:56
