Касцёл рыхтуецца да наступных Сусветных дзён моладзі
Святар прызнаў, што на гэта могуць паўплываць: размяшчэнне сталіцы Партугаліі, яе добрая сувязь у плане транспарту з іншымі месцамі Еўропы і свету, паслядоўны рост папулярнасць гэтага горада сярод замежнікаў.
“Жыхары Лісабона натуральна адкрытыя для іншых, у той час як горад усё часцей прыцягвае замежнікаў, галоўным чынам моладзь. Сёння Лісабон з’яўляецца адным з лепшых гарадоў па якасці жыцця”, - сказаў святар, які сам паходзіць з Партугаліі.
Тым часам у Панаме, праз год пасля завяршэння моладзевага форуму, падводзяць яго вынікі. Там пачаліся спецыяльныя ўрачыстасці з нагоды першай гадавіны Сусветных дзён.
Як адзначыў арцыбіскуп Панамы Хасэ Улоа Мэндзіета, душпастырства моладзі ў краіне пачало сапраўднае аднаўленне. На парафіяльным узроўні былі створаны экалагічныя групы, нарадзіўся рух моладзі, зацікаўленай у вывучэнні сацыяльнага вучэння Касцёла. Акрамя душпастырскіх вынікаў, леташняя сустрэча ўмацавала жыхароў Панамы і іх ідэнтычнасць. Гэтаму паспрыялі словы Францішка, які назваў панамскі народ “высакароднай нацыяй”.
Як патлумачылі падчас адмысловай прэс-канферэнцыі, выдаткі на арганізацыю мерапрыемства склалі каля 20,7 млн долараў ЗША. Звыш 70% пакрыў абанемент зарэгістраваных удзельнікаў, 30% – гэта ўклад спонсараў і дабрачынцаў.
Трохдзённыя ўрачыстасці “Celebremos 2020”, якія пройдуць на ўзбярэжжы Сінта-Костэра, дзе год таму адбываліся сустрэчы Папы з моладдзю, уключаць у сябе малітоўную і спартыўную часткі. Завяршэннем урачыстасцей стане старт трыенале, прысвечанага пакліканню.
У мінулагодніх ХХХIV Сусветных днях моладзі ўзялі ўдзел больш за 700 тыс. чалавек.
