ክሌኣዊ ርክብ ር.ሊ.ጳ. ፍራንቸስኮ ምስ ናይ ዮርዳኖስ ንጉስ ኣብዱላህ ዳግማዊ

ስምዖን ተ. ኣርኣያ - ሃገረ ቫቲካን

ር.ሊ.ጳ. ፍራንቸስኮ ትማሊ ሓሙስ ዕለት 2 ግንቦት ንጉሆ ንወግዓዊ ምብጻሕ ሃገረ ቫቲካን ንዝኣተዉ ቅዱስነቶም ካብ ርሑቕ ዓመታት ብቐረባ ንዝፈልጥዎም ናይ ዮርዳኖስ ንጉስ ዓብዱላህ ዳግማውን ኣሰነይቶምን ተቐቢሎም ከም ዘዘረረቡ ናይ ቅድስቲ መንበር ዜናን ክፍሊ ማሕተምን ዋና ሓላፊ ማተዮ ብሩኒ ዕለት 2 ግንቦት ከም ዝሓበረን ቅዱስነቶም ምስ ንጉስ ኣቡዱላህ ዳግማዊ 20 ደቓይቕ ዝወሰደ ግላዊ ዘተ ከም ዘካየዱ እቲ ዘተን ርክብን እውን ኣዚዩ ምዉቕን ልባውን ምንባሩ ብሩኒ ንጋዜጠይናታት ኣብ ዝሃቦ መግለጺ ኣፍሊጡ።

ዋና ሓላፊ ቤት ጽሕፈት ዜናን ክፍሊ ማሕተምን ቅድስቲ መንበር ማተዮ ብሩኒ ንጋዜጠይናታት ኣብ ዝሃቦ መግለጺ ድሕሪ እቲ ዝተኻየደ ርክብ ገጸ በረኸት ናይ ምልውዋጥ ስነ ስርዓት ከም እተፈጸመን ሓቢሩ ር.ሊ.ጳ. ፍራንቸስኮ ንፈለማ ግዜ ኣብ 2014 ዓ.ም. ብምኽንያት እቲ ንዮርዳኖስ እውን ዘጠቓለለ ሓዋርያዊ ጉዕዞ ናብ ቅድስቲ ኣብ ቅድስቲ መሬት ኣብ ዖማን ምስ ንጉስ ኣቡዱላህ ዳግማዊ ከም እተራኸቡ የዘኻኽር።