ናይ ሃገረ ቫቲካን ኣባይቲ መዘክር ዳግም ነገልግሎት ክኽፈት እዩ

ናይ ሃገረ ቫቲካን ምምሕዳር ጠቕላሊ ዋና ጸሓፊ ብጹዕ ኣቡነ ፈርናንዶ ቨርገዝ ኣልዛጋ ናይ ሃገረ ቫቲካን ኣባይቲ መዘክር ዳግማይ ነገልግሎት ክኽፈት ከምዝኾነን ናይቲ መደብ መርሓ ጉደና ኣማእኪሎም ምስ ጋዜጠይና ዜና ቫቲካን ኣለሳንድሮ ደ ካሮሊስ ኣብ ዘካየድዎ ቃለ መሕትት ገሊጾም፥ ኣባይቲ መዘክር ቫቲካን ብቐረባ ተበጻሒ ክትገብሮምን ብምናባዊ ኣገባብ ከተቕርቦምን ናይ ሰማይን ምድርን ርሕቐት እዩ ዘለዎ፥ ነቲ ጭቡጥ ኩነት ቤተ መዝከርን ባህላዊ ሃብትታቱ ብምናባዊ ኣገባብ ንበጻሕቲ ክፉት ክትገብሮ ንኽውንነት ምቕራብ ክኸውን ኣይክእልን ኢሎም፥ ንኣባይቲ መዘክር ንኽትበጽሕ ምምዝጋብን ናይ ኣፍንጫን ኣፍን መሸፈኒ ገይርካ ዝፍጸም ምብጻሕ እውን እዩ ዝኸውን ከምዝበሉ ደ ካሮሊስ ኣፍሊጦም።

ስምዖን ተ. ኣርኣያ - ሃገረ ቫቲካን

ናይ ቫቲካን ኣባይቲ መዘክር ናይ ቫቲካንን ናይ ኢጣሊያን መንግስቲ ዘውጽእዎ ናይ ሕጹጽ እዋን ሓደጋ ድንጋገ መሰረት ገይሩ ዝኽፈትን ነቲ ኣዋጅ ብዘኽብር ኣገባባት ንሓድሽ ኣገልግሎት ክኽፈት ከምዝኾነን ነቲ ህልው ኩነታት ለብዒ ኮቪድ - 19 ኣብ ግምት ብምእታው በጻሕቲ ከምቲ ቀዳም ሪጋ ሒዝካ ኣብ ኣፈት ናይ ሃገረ ቫቲካን ቤተ መዘክራት ብምርኻብ ዘይኮነ ኣቐዲሞም ክምዝገቡ ከምዘለዎምን ናይቲ ተህዋስ ናይ ምልባዕ ሓይሊ ንምድራት ከኣ ኩሉ ዘድሊ ኣቀዲምካ ናይ ምጥንቃቕ ውሳኔ ብዘኽብር ኣገባብ ዘክየድዎ ምብጻሕ እዩ ዝኸውን ንከምዝበሉ ደካርሊስ ሓቢሮም።

ብምናባዊ ኣገባብ ዝግበር ምብጻሕ ካብ ዕለት ናብ ዕለት ዝበለጸ ክኸውን ዘድሊ ኩሉ ጾዕሪ ይካየድ ከምዘሎን ሓቢሮም፡ ጭቡጥ ኩነት ካብቲ ምናባዊ ኣቀራርባ ኣዚዩ ፍሉይ እዩ፡ ብምናባዊ ኣገባብ እውን ዝትካእ ኣይኮነን፡ ናይ ሃገረ ቫቲካን ኣባይቲ መዘክር ሕመረት ሰብ እዩ፡ በጻሕቲ፡ ስለዚህ ነቲ ኣብ ሃገረ ቫቲካን ዘሎ ናይ ባህሊ ሃብትታት ንምድናቕ ቀሪብካ ክትበጽሖን ክትርእዮን ወሳኒ እዩ ምስ በሉ፡ ብማሕበራዊ መረብት ውክልና ክትበጽሖን ባዕልኻ ብቐረባ ክትርእዮን ክትበጽሖን ዝተፈላለየ እዩ ከምዝበሉ ደ ካሮሊስ ይሕብሩ።

እቲ ኮቭድ ተህዋስ ንምቁጽጻር ዘድሊ ኹሉ ናይ ቀዲምካ ምጥንቃቕ ውሳኔ ዘተግብር መሳለጢ ተዳልዩ እዩ፡ ንኣብነት በጻሕቲ ቅድሚ ናብቲ ቤት መዘክር ምእታዎም ብርሑቕ ናይ ሰብነት ሙቐት መዓቀንን መጽረዪ ኢድን፡ ኩሉ ኣሰናድዩ እዩ፡ በጻሕቲ ቅድሚ ምእታዎም ናይ ኣፍንጫን ኣፍን መሸፈኒ ክህልዎም ግንድ ይኸውን እንክብሉ ዘካየድዎ ቃለ መሕትት ዛዚሞም።