ሕዳሴ ቊጠባዊ ጉዳያት ቅድስት መንበር ክስዕብ ካብ ዝኽእል መጻኢ ዕንቅፋት ክሕሉ በዓል ተስፋ እየ!ር.

“እወ እኣምን ከመይ ንሕዳሴ ቊጠባ ብዝምልከት ተቀላጢፍና ዝገበርናዮ እኹል ኣፍልጦን ምልክን ቊጠባዊ ተክኒክ ብዘለዎም ሰባት ቤትጽሕፈት ጒዳያት ቊጠባ ኣቊምና፣ ነዚ ዝገበርናሉ ከኣ ካብ ብሃሰሰ ለባት ብገንዘብ ካልኦት ለጋሳት ዝኾኑን ከጋግዩ ካብ ዝኽእሉ ኣዕሩኽትን ሓራ ንምዃን እዩ። ብእምንቶይ እዚ ሓዲስ ቤትጽሕፈት እዚ ናብ ላዕለዋይ ቤትጽሕፈት ክብ ቢሉ ንኩሉ ቊጠባዊ ጉዳያት ዝምልከት ኣብ ኢዱ ሒዙ ኣሎ፣ ንቊጠባዊ ምሕደራ ብዝምልከት ከኣ ውሕስነት ይህበና። ከመይ ቅድሚ ሕጂ ዝነበረ ምሕደራ ቊጠባ ሥሩዕ ኣይነበረን። እቲ ቅድሚ ሕጂ ዝነበረ ጸገም እቶም ሓለፍቲ ክኾኑ ዝስመዩ ብዛዕባ እቲ ጉዳይ ብዙህ ኣፍልጦ ስለዘይነበሮም ብእምነት ዝሕግዝዎ ኣዕሩኽ ይደሊ ነበረ። እንተኾነ ሓንሳእ ሓንሳእ ብፁዕቲ ኤመልዳ ኣይኮኑን፣ ዘጋጥም ዝነበረን ዘጋጠመናን ከኣ እዚ እዩ።”

“እቲ ጌጋ ኣበይ ነሩ እንተበልና ኣብቲ ናይ ሽዑ ዝነበረ ትሕተቅርጺ ዝረኤ ዝነበረ ሓላፍነትካ ዘይምስካም እንክኾን ነቲ ሓላፍነት ዝህቦ ሰብ ሕያውነቱ ርኢኻ ነበረ። እቲ ብሕይውነቱ ናብ ሓላፍነት ዝተመርጸ ሰብ ከኣ ብዛዕባ ቊጠባ እንዶ ዘይብሉ ይኸውን እሞ ካብ ወጻኢ ሓገዝ ይሓትት እንተኾነ ብውሽጢ ዚኣክል ቊጽጽር እንተዘየሎ ጸገም እዩ። ብሓጺሩ እቲ ምሕደራ ቊጠባ ብሱል ኣይነበረን። እዛ ሓሳብ ቤትጽሕፈት ቊጠባ መሃዚኣ ካርዲናል ፐል ነበረ። ብሓቂ ብልሒ ሰብ እዮም ኢሎም።”