ር.ሊ.ጳ ፍራንቸስኮስ ዕለት 3 ሓምለ ኣብ ሮማ ምስ ማሕበረኮም ኮንጎ ክቅድሱ እዮም!

“ፑርትሮፖ ናብ ኮንጎን ደቡብ ኣፍሪቃን መዲበዮ ንዝነበርኩ ሓውጾተ ኖልይ ዓቢ ሓዘን እናተሰማዓኒ እየ ከናውሖ ወሲነ። ከም ሓቁ ከኣ ኣብዚ ናተይ ዕድመ ዘሎ ሰብ ሓፍ ቢሉ ንተል እኮ ክነቅል ቀሊል ኣይኮነን፤ እንተኾነ ጸሎታትኩምን ኣብነትኩምን ስለዘተባብዓኒ ሓደ መዓልቲ ነዚ ወትሩ ኣብ ልበይ ዝሕዞ ሕዝቢ እዚ ክበጽሖ ምዃነይ ምትእምማን ይስመዓኒ። ንዝመጽእ ሰንበት እንተኽ ኢለ ምስ ማሕበረኮም ኮንጎ ኣብ ሮማ መሥዋዕተ ቅዳሴ ከዕርግ እየ፤ ዕለት 3 ሓምለ ማለተይ እዩ፤ ኣብ ኪንሻሻ ክቅድሰሉ ዝነበረ ዕለት ብምዃኑ ንኪንሻሻ ናብ መንበረ ጴጥሮስ ክነምጽኣ ንኽእል ማለት እዩ፤ኣብቲ ዕለት እቲ ኣብ ሮማ ምስ ዝነብሩ ደቂኮንጎ ብሓባር ክንቅድስ ኢና፤ ብዙሓት እዮም ምስ ኩሎም ሓቢርና ክንቅድስ ኢና ኢሎም።”

“ሓዋርያ ኢየሱስ ክርስቶስ ከስድዕ ዝፍትን ወይውን ሓደ ኣመሓዳሪ ማነይጀር ወይውን ጉባኤታት ዝመርሕ ሓደ ካድር ወይውን ሓደ ከኣል ኩሉ ሓበሬታ ኣይኮነን! ሓዋርያስ ምስክር እዩ፤ እዚ ናይ ወትሩ ትምህርትን ኣብ ኩሉ ቤተክርስትያንን ክግበር ዘለዎ እዩ እንተኾነ ብዝበለጸ ንሓደ ከምዚ ከማኹም ንተል እኮ ስብከተወንጌል ኣብ ቅድመ ግንባር ኮይኑ ንቀዳማይ ስብከተወንጌል ወይውን ምስ ምስልምናን ካልእ እምነታትን ኣብ ዝዋሰነሉ ንዘገልግል ይምልከት ኢሎምዎም።”

“ካብ ዝተፈላለያ ክፍልታት ዓለምናን ባህልታትን ብዝመጹ ኣባላት ናይ ዝቆመ ማሕበር ሕውነት እንክሓስብ ቀሊል ከምዘይኮነን ሓገዝ መንፈስ ቅዱስ ብምት እምማን እንተዘይኮይኑ ክትቅበሎ ዘጸግም ግድል ምዃን እውን ይርደኣኒ፤ እዛ ን እሽቶ ማሕበርኩም ብጸሎትን ሕውነትን ክትነብር ዝተላእከት ኣብ ርእሲ ምዃኑ ምስቲ እትነብርዎ ከባብን ሕዝብን ናይቲ ቦታ ባህልን ክፉት ዘተ ብምዝውታር ክትነብሩ ዝተጸዋዕኩም ምዃንኩም ኣይትረስዑ፤ ልዕሊ ኩሉ ከኣ ግራስየ እግዚኣብሔር ይሃበለይ የቀንየለይ ምባል ፍለጡ እንክብሉ ብሓዋርያዊ ቡራኬ ኣሰናበትዎም።”