ዚኣምን ዘበለ ኩሉ ንካልኦት መንግዲ ትጽቢት ተስፋ የመልክት! ር.ሊ.ጳ

“ነቲ ከድሕነና ዝመጽእ ጐይታ መንገዲ ክነሰናዱ እንተዀና ነቲ ብዛሕሊ መንፈስን ሸለልትነትን ነቲ መንገዲ ንክዕንቅጹ ዘፍቀድናሎም ነገራት ብምእላይ ከምቲ ናይ ኢየሱስ ስምዒት ኣሕዲርና ልብና ንኽፈት። ብዙሕ ናይ ትዕቢት ጎቦታት ለጠቕ ክነብሎ ኣሎና! ነዚ ከኣ ጭቡጥ ናይ ዕርቂ ተግባራት ምስ ኣሕዋትና ብምፍጻምን ንበደላትና ይቅረታ ብምሕታትን ኢና እንገብሮ። ዕርቂ ምፍጣር ቀሊል ኣይኮነን፣ ከመይ ኣማኒ ምዃን ትርጉሙ ምስ ሓውኻ ቅርበትካ ምግላጽ እዩ።”

“በቲ ንገዛእ ርእስኻ ጥራይ ኣገልግል ዝብል ኣሉታዊ ኩነታት ተዓጺኻ ናይ ምትራፍ ዘመንና ተዓኒድና ክንተርፍ የብልናን። ካብቲ ንኩሉ ዝነጽግን ብኣተሓሳስባ ዓለም ክጸልወና ዝጽዕርን ዘመንና ንተኣለ ምክንያቱ ከኣ ማእከል ሕይወትና ኢየሱስን ናይ ብርሃንን ፍቅርን ምጽንናዕን ቃሉን እዩ። ንሱ እዩ፣ ብዘይካኡ ካልእ የብልናን፣ ርግጽ ትሕትና የድሊ፣ ትሑታት ግን ከኣ ተብዓት ክንከውን ኣሎና።”

“ሎሚ እውን ኣርድእቲ ኢየሱስ ኩሎም ናቱ ትሑታት ግንከ ተባዓት መሰኻኽር ንምዃን ዝተጸውዑ እዮም፣ ነዚ ከኣ ኣብ ልቢ ካልኦት ንተስፋ ኢየሱስ እንደገና ከምዝዂላዕ ብምግባር ሽሕኳ ከቢድ እንተኾነ መንግሥቲ እግዚእብሔር ዕለት ዕለት ብሓይሊ መንፈስ ቅዱስ እናተሃንጸት ምዃና ብምምስካር ይገብርዎ። ቅድሚ ናብ ካልኦት ገጽና ምጥማት ንሕና ንባዕልና ወላውን ንእሽቶይ ትኹን ካብቲ ሕማቅ ጠባያትና ከመይ ገርና ክንልውጥ ከምእንኽእል ንሕሰብ።”