ኣመሓደርትን መራሕቲ ፖሎቲካን ሊቃውንትን ንሕዝቢ ዝጠቅም እምበር ንመኽሰብ ዘይኮነ ፍታሕ ክረኽቡ ንጸሊ! ር.ሊ.ጳ
ዜና ቫቲካን
ኣብ ጥርሑ ዝኾነ ባዚሊካ ቅዱስ ጴጥሮስን ቅርዓት ቅዱስ ጴጥሮስን ጸሎታት ሳልስቲ በዓለ ትንሣኤ ላቲናዊ ሥርዓተ ኣምልኾ እትኽተል ካቶሊካውት ቤተክርስትያን ፈጺሞም ሎሚ ሰኑይ ዕለት 13 ኣብቲ ልሙድ ናይ ንግሆ ንግሆ መሥዋዕተ ቅዳሴ ቤተጸሎት ቅድስት ማርታ ተመሊሶም ቅድሚ ቅዳሴ ስለመንመን ከምዝጽልዩ ከምዚ ክብሉ ኣዘኻኺሮም።
ናይ ዕለቱ ወንጌል ካብ ማቴ 28.8-15 ኰይኑ ካብ ሙታን ዝተንሠኤ ክርስቶስ ንገሊኤን ኣንስቲ ተራእዩ ንኣርድእቱ ናብ ገሊላ ሓሊፎም ክጽበይዎ ኣብኡ ከምዝርእይዎ ገሊጹ እቶም ዝሰቀልዎ ሊቃነ ካህናት ነቲ ኣብ ሳልሳይ መዓልቲ ክትንሥእ እዩ ዝበሎ ዘኪሮም ናብ ኣመሓደርቲ ከይዶም ዘድሊ ሓለዋ ክግበር እኳ እንተተፈቅደሎም መቃብር ጥርሑ ምስ ተረኽበ ግን ነቶም ዝሕልው ዝነበሩ ጉቦ ሂቦም ኣርድእቱ ለይቲ ደቂስና እንከሎና ሰሪቆሞ ኢልኩም ኣውርዩ ዝበልዎ ዝትርኽ ነበረ። ቅዱስነቶም እዚ ኩነት እዚ ሎሚ ኣባናውን ከምዘጋጥም ኣብ መንጎ ተስፋ ትንሣኤ ክርስቶስን ናፍቆት መቃብርን ክንመርጽ ይሓተና። በዚ ኣጋጢሙና ዘሎ ለበዳ ለብዒ ሕማም እውን ፍታሕ ሃሰስ ክንብል ማለት እቲ ምርጫ ኣብ መንጎ ሕይወት ምድሓንን ገንዘብ ምኽዕባትን ይጸሪ። ገንዘብ ምኽዕባት እንተተመሪጹ ንብዙሓት ክተጥሚ ናብ ደልሃመት ባርነት ክትሸምም ውግእ ንክለዓል እሞ ሸቀጥ ኣጽዋር ውግእ ንክተደንፍዕን መኽሰብካ ጥራይ ክትሓስብን ሕጻናት ብዘይ ምንም ትምህርትን ክተጥሪ ኢኻ እዚ ከኣ ምርጫ መቃብር እዩ። ክንዲ ሕይወት መቃብር ምምራጽ። ጐይታኸስ ንሕዝቢ ዝጠቅም ሰናይ ነገር ንምምራጽ ጸጋኡ ይዓድለና ናብ ምርጫ መቃብር ዝኾነ ገንዘብ ከይንወድቅ ይሰውረና እንክብሉ ነዚ ዚስዕብ ስብከት ኣቅሪቦም።