ሕይወት ብፁዕ ኑንስዮ ሱፕሊስዮ ሓደስትን ምሥጢራውያንን ገጻት ኣለዋ! ብፁዕ ጳውሎስ ሻድሻይ

“ንዓኹም ንመንእሰያት ሎሚ ብፁዕ ኑንስዮ ሱልፕሪጽዮ ነዚ ይብለኩም ኣሎ፣ ንእሰነት ናይ ነጻ ስምዒታት ዕድመ ወይውን ናይቲ ዘይተርፍ ውድቀታት ወይውን ናይቶም ዝሰዓሩ ዘይመስሉ ፈተናታት ንእስነት ወይውን ናይቶም ዕሩባት ሕልና ጽልሙት ኣረኣእያ ወይውን ንኣይ ጥራይ ይጥዓመኒ እምበር ካልእ ባዕሉ ይፈልጥ ዝብል ጐዳኢ ምርሒት ዓውዲ ኣይኮነን፣ እንታይ ደኣ መንእሰይ ምዃን ብዓንዲ ርእሱ ጸጋ እዩ ዕድል እዩ ይብለኩም ኣሎ፣ ንዓኹም ንሠራሕተኛታት ከኣ እዚ ድኻን ዝሳቀን ብጻይኩም ከምቲ ቤተክርስትያን እትሓስበልኩን ብዛዕባኹም እትግደስን ኣባኹም እምነት ዘለዋን ንስኹም እውን ብግደኹም ናይ ነፍሲወከፍ ወዲ ሰብን ክርስትያንን ክብረት ኣብቲ እተካይድዎ ዕለታዊ ማሕበራዊ ሕይወትኩም ንምዕባሌኹምን ዕብየትኩምን እትደኽምዎ ድኸሙሉ ይብለኩም ኣሎ።”

“ንኣብነት ሕጻንነቱ እንተተመልከትና ዝኽትምናን ድኽነትን ዝዓብለሎ ዘሕዝን ኩነታት ዝበዝሖ ምናዳ ነቶም ናይ ንጹሓት ቃንዛ ምሥጢር ንምርዳእ ብቤትትምህርቲ ክርስቶስ ዘይሓለፈ ናብ ዓሚቚ ኣስተንትኖ ዶ ኣይዕድመናን? ከም ግቡኡ ካብዛ ከምዚ ዝበለት ሕጻንነት ማለት ብሓለንጊ ብሕትውናን ድኽነትን ጸገማትን ዝተገርፈት ክምንጩ እትጽበዮ ዝተመዛበለን እምቢተኛን ኣተሓሳስባ ወይውን ዝተመረዘ ጉብዝና ክርከብዶ ኣይነበሮን? ከመይ ኢሉኸ እዩ እዛ ሓጐስ ዝተሓረማ ሕይወት ሕጻንነት ኣንጻር ኩሉ ብደሆታት ብምኻድ ካብ ንጹሕ ሕጻንነቱ ጀሚሩ ብትዕግሥትን ሕያውነትን ክመላለስ ዝኸኣለ?”

“መልእኽቲ ኑንስዮ ሱልፕሪጽዮ ብዓመጽ ሥራሕ ዝተሳቀየን ከምቲ ንሕና ዝምደለናዮ ውሕስነትን ምክልኻልን ማለት ዝተፈላለያ ሓገዛትን ነጻን ሰብኣዊ ክብረ ሞጎስ ዝለበስና ክንከውን እንደልዮ ደገፍን ከምኡ እውን ከም ድላዩ ክመላለስ ሕጋዊ መሰል ሕይወት ዝመድለዮ ክነሱ ናባና ቊሊሕ ኢሉ ሕይወት ሠራሕተኛ ካብቲ ቀንዲ ልዑል ቀለቡ ዝኾነ መንፈሳዊ መግለጺ ማለት ጸሎት ክፍለ ከምዘይብሉ ብምግላጽ ነዚ ነገራት እዚ ካብ ስድራቤታውን ማሕበረሰብኣውን ሕይወት ምንፋግ ንመንፈስኩም ዝዓበየ ጸገም እዩ ይብለኩም ኣሎ፣”

“ናይዚ መሀይምነት እኳ ከጥፍእ ዕድል ዘይረኸበ መንእሰይ መንፈሳዊ ሕንጸት ከመይ ከምዝነበረ ምምልካት ኣድላዩ እዩ፣ ነዚ ኣዕሙቚ ኣቢልና እንክንምርምር እቲ ኣብቲ ዘመን እትን ኣብቲ ከባቢ እትን ዝዝውተር ዝነበረ መንፈሳዊ ተግባራት ምንጪ መንፈሳውነት ከምዝኾነ ትግምግም፣”

“ከም ሰብ መጠን እንክትዛረብ እታ ሕያውነቱ ክትግለጽ ኣጸጋሚ እዩ፣ እዛ ሕያውነት እዚኣ ነታ ሃሰስ ንብላ ዘሎና ምንጪ ቅድስናኡ ምሥጢር ቅድስናኡ ክትገልጸልና ትኽእል ኢሎም፣”