நேர்காணல் – கச்சின் இன மக்கள் மத்தியில் மறைப்பணி-பகுதி-2

மேரி தெரேசா – வத்திக்கான்

இந்தியாவின், குஜராத் இயேசு சபை மாநிலத்தைச் சேர்ந்த அருள்பணி கிரிஷ் சந்தியாகு சே.ச. அவர்கள், கடந்த சில ஆண்டுகளாக, மியான்மார் நாட்டின் வட பகுதியிலுள்ள கச்சின் மாநிலத் தலைநகரமான மிச்சினாவில் மறைப்பணியாற்றி வருகிறார். மேலும், இவர், மியான்மார் இயேசு சபை மறைப்பணித்தளத்தில் சமுதாய-மேய்ப்புப் பணி குழுவின் தலைவராகவும் செயல்பட்டு வருகிறார். உலகெங்கும், சமுதாய-மேய்ப்புப் பணியாற்றும் இயேசு சபையினருக்கு, உரோம் நகரிலுள்ள அச்சபையின் உலகளாவிய தலைமையகம், அண்மையில், ஐந்து நாள்கள் பன்னாட்டு கூட்டம் ஒன்றை நடத்தியது. இதில் கலந்துகொள்ள வந்திருந்த அருள்பணி கிரிஷ் சந்தியாகு சே.ச. அவர்கள் வத்திக்கான் வானொலிக்கு வருகை தந்து, மியான்மார் நாடு பற்றியும், அவர் மறைப்பணியாற்றும் கச்சின் இன மக்கள் பற்றியும் பகிர்ந்துகொண்டதை, கடந்த வார நேர்காணல் நிகழ்ச்சியில் வழங்கினோம். அதன் தொடர்ச்சியை, அதாவது அருள்பணி கிரிஷ் சந்தியாகு சே.ச. அவர்கள், பங்கெடுத்த அந்த பன்னாட்டு கூட்டம் பற்றியும், அதில் அவருக்குக் கிடைத்த அனுபவங்கள், இன்னும், கச்சின் மாநிலத்தில் ஆற்றிவரும் சூழலியல் பணிகள் பற்றியும் பகிர்ந்துகொண்டதை இன்று வழங்குகிறோம்.