Ajali ya baharini huko Cutro,idadi ya waathirika imeongezeka hadi 66

Na Angella Rwezaula, - Vatican.

Eneo lenye miili ya watu waliofariki Dominika  iliyopita tarehe 26 Februari  ilifunguliwa Jumatano tarehe Mosi Machi 2023 katika eneo la Palamilone huko Crotone. Mwili wa mwisho kupatikana ni mtoto wa kiume wa miaka 5-6. Na Zaidi ya watu sitini walionusurika ambao wako kwenye Cara ya jiji la Calabria, Kusini mwa Italia. Kwa hakika hali ni ngumu sana, kwa sababu kila mmoja wao wa manusuria amepoteza mwanafamilia. Na wakati huo huo watu bado wako katika hali ya mshtuko mkubwa wa kihemko. Na UNICEF na Save the Children  pamoja na mashirika mengine yaliyopo na yanayofanya kazi katika dharura yametoa msaada wa awali wa kisaikolojia na kihisia tangu mwanzo. Uingiliaji kati ulilenga kusaidia watoto na familia za kigeni ambazo hazisindikizwa.

Watu wengi wakiwa wanasubiri kuingia kutoa heshima kwa ndugu waliozama baharini

Hadi sasa familia zote zilizokuwepo zimeunganishwa tena. Kuna jumla ya familia 7 huko CARA, karibu zote ambazo zilipoteza jamaa katika ajali ya meli. Miongoni mwao  ni mmoja alieyetoka  Afghanistan na wanafamilia yake  7  wote. Katika mahojiani aliweza kuelezea tabia ya watu kwenye mashua na mkasa wa baharini. Kati ya familia yake, ni yeye tu na binamu yake mwenye umri wa miaka 12 waliokolewa kwa kuogelea kuelekea ufukweni.

Maumivu ni makala kwa watu waliozama kwenye maji ya bahari ya Mediterania

Kwa sasa Mashirika yanawasiliana na huduma za kijamii na vituo vya mapokezi ili kufuatilia utunzaji wa watoto, uhamisho wao hadi kwenye vituo vinavyofaa vya mapokezi na uanzishaji wa ulinzi inapobidi. Shughuli ya usaidizi pia zitaendelea katika siku zijazo ili kuhakikisha usaidizi wa kisaikolojia na uanzishaji wa njia za kujumuisha. UNICEF na Save the Children wamekuwa Calabria tangu  mwezi Agosti 2022 na timu ya kudumu inayoundwa na mtaalam wa sheria, mfanyakazi wa kijamii, mpatanishi wa kiutamaduni, na mratibu wa kukabiliana na mpaka na hivi karibuni wameimarisha uwepo wao kwenye hilo  ili kukabiliana na dharura.

Rais Mattarella wa Italia ametoa heshima yake

Uingiliaji wa pamoja unafanywa kama sehemu ya mpngo uitwao “PROTECT”, unaofadhiliwa na Kurugenzi Kuu ya Tume ya Ulaya ya Uhamiaji na Mambo ya Ndani (HOME) ili kuimarisha uingiliaji kati wa ulinzi kwa ajili ya wasichana zaidi ya elfu 20, vijana, barubaru na wakimbizi na wahamiaji wanawake nchini Italia. Kwa jumla, tangu  2014 hadi leo, zaidi ya watu 26,000 wamekufa kwenye njia ya Mediterania. Mashirika hayo mawili yanathibitisha umuhimu wa kuhakikisha njia mbadala salama za kuvuka bahari na shughuli za utafutaji na uokoaji ili kuepuka kujirudia kwa mikasa hii.