Sinodi,Hollerich:Mtandao wa eneo jipya la utume,vijana wanaongoza
Na Angella Rwezaula, Vatican
Msemaji mkuu wa Mkutano Mkuu wa XVI wa Sinodi, tarehe 13 Oktoba 2023 alianza kuwakaribisha tena katika Ukumbi wa Paulo VI ili kuanza kutembea pamoja. Ni Kardinali Jean-Claude Hollerich katika hotuba yake kabla ya kuwapa nafasi ya mjadala washiriki ambapo alisema Safari yetu ni ya ajabu kwa sababu inatufanya tuketi kutwa nzima. Hata hivyo, tukitazama nyuma, tukifikiria nyuma siku tulipokutana kwenye Mkesha wa Kiekumeni – hata kabla ya majuma mawili kupita! - Nadhani sote tutakubali kwamba tumetembea pamoja na kwamba tumetoka mbali. Kimwili, tulitembea pamoja jana katika hija yetu, (akimaanisha kwenyeCatacombs)ambayo ilituwezesha kupata mawasiliano ya karibu na Wakristo wa jumuiya ya kwanza hasa ya wafidini, ambao walitoa maisha yao ili tuwe na imani. Imani hii katika Bwana mmoja inatuunganisha nao; sisi ni sehemu ya Kanisa moja na tunashiriki utume uleule: kutangaza kwa ulimwengu Habari Njema ya Injili, upendo na huruma ya Mungu kwa wanadamu wote, na kwa hakika viumbe vyote.
Wafiadini na waamini waliotutangulia wako pamoja nasi tunapoadhimisha Ekaristi, kama tulivyofanya katika Basilika. Sala yao inatutegemeza, na tunaweza kuhisi wakitembea nasi: Sinodi inahusisha Kanisa zima, linalojumuisha waamini katika Kristo kutoka kila mahali na wakati. Kwa vile Kanisa lilivyo na wasafiri wa Watu wa Mungu katika vizazi vyote, linahitaji mana jangwani, kama watu wa Israeli. Lakini sisi tunayo bora kuliko mana kw kuwa: tumeingizwa katika ushirika na Bwana wetu Yesu Kristo, aliyesulubiwa na kufufuka. Kwa muungano na Kanisa zima, sasa tunaingia katika kazi iliyowekwa kwa siku chache zijazo, Vipengele vyetu vitatu vilivyo kwenye Sehemu ya B2 ya Instrumentum laboris. Kardinali aidha asema kuwa, Kama tulivyokwishajifunza, kila Sehemu na kwa hivyo kila kipengele kina kichwa, kikiambatana na swali, ambalo linatuonesha mahali pa kuzingatia ili kuepuka kupotea. Kichwa na swali litakalotuongoza katika siku chache zijazo ni: “Wajibu wa pamoja katika Utume: Je, tunawezaje kushiriki vyema karama na kazi katika huduma ya Injili?”.
Kwa hivyo, mada yetu ni utume. Imesemwa kwa uwazi sana katika ngazi zote za mchakato wa sinodi kwamba, “Kanisa la Sinodi ni Kanisa lililotumwa kwa utume” Amri ya Bwana iliyotolewa kwa Mitume inaenea kwa washiriki wote wa Kanisa letu la kitume. Hii sio mara ya kwanza tunakumbana na mada ya utume wakati wa safari yetu. Kinyume chake, ilijitokeza mara kwa mara katika kazi ya kipengele cha pili: kwani Ushirika haujifungii ndani yenyewe bali unasukumwa kuelekea utume; wakati huo huo, madhumuni ya utume ni kupanua kwa usahihi upeo wa ushirika, na kuwezesha watu wengi zaidi kukutana na Bwana na kukubali wito wake wa kuwa sehemu ya Watu wake. Kutoka katika kazi cha siku chache zilizopita, tunaweza kuchukua mfano ili kumlika mtazamo ambao tutatafakari kuhusu utume.
Wazungumzaji kadhaa wamezungumza kuhusu "bara la kidijitali."Wengi wetu tunaona mtandao kama chombo cha uinjilisti. Ni zaidi ya hapo. Inabadilisha njia zetu za kuishi, za kutambua ukweli, na mahusiano hai. Hivyo, inakuwa eneo jipya la utume. Kama vile Francis Xavier alivyoondoka kwenda nchi mpya, je, tuko tayari na tayari kusafiri kuelekea bara hili jipya? Wengi wetu hatuwezi kuwa viongozi katika miktadha hii mipya ... inabidi tuongozwe na watu wanaoishi katika bara la kidijitali. Mara nyingi sisi maaskofu sio waanzilishi wa utume huu, lakini wale ambao wanajifunza katika njia iliyofunguliwa na washiriki vijana wa Watu wa Mungu. Kardinali alibainisha kuwa Tutasikia zaidi kuhusu hili baadaye. Vyovyote iwavyo, mfano huu unatusaidia kuelewa kwa nini kichwa chetu kinazungumzia uwajibikaji pamoja katika utume: wote waliobatizwa wameitwa na wana haki ya kushiriki katika utume wa Kanisa, wote wana mchango usioweza kubadilishwa. Kilicho kweli kwa bara la kidijitali ni kweli pia kwa vipengele vingine vya utume wa Kanisa.
Huu ndio upeo wa mtazamo ambamo kipengele cha tano cha Sehemu B2 kimewekwa. Kila kikundi kitashughulikia kimoja tu, kwa kuamini kazi ya vikundi vidogo kwenye hatua nyingine ni, matunda ambayo tutashirikisha kwa ujumla. Maelekeo ya Kazi ya kwanza inahusu haja ya kuimarisha maana na maudhui ya utume, ambayo katika Kanisa letu huwasilishwa kupitia wingi wa lugha na picha. Ni utofauti zaidi ambao tumeitwa kupokea kama zawadi ambayo hutufanya kuwa matajiri zaidi. Utume wa Kanisa ni kutangaza Injili, kuanzia na kerygma. Utume wa kimisionari huu sio tu kwenye midomo yetu, lakini lazima uonekane katika nyanja nyingi za maisha yetu ya kila siku. Utume wa Kanisa ni kujitolea kwa ikolojia fungamani, mapambano ya haki na amani, chaguo la upendeleo kwa maskini na wa pembezoni, na nia ya kuwa wazi kukutana na wote.
Sehemu ya Pili ya Kazi, Kardinali Hollerich alisema kuwa inazingatia huduma katika Kanisa. Kwa mara nyingine tena, tutasikia baadhi ya shuhuda. Katika hili alitakkua kumulika tana vipengele vingine vitatu vya Kazi, kwa sababu Mkutano huo mkuu ulipenda mahitaji yetu kuwa waangalifu sana tunaposhughulikia. Kama washiriki wa Watu wa Mungu, mada zote za Instrumentum laboris zinatuhusu kwa karibu na zinatugusa. Lakini vipengele hivyo vitatu hufanya hivyo kwa njia fulani. Kiukweli, kwa kuzingatia mada hizi tatu, kila mmoja wetu ni mtoaji wa maoni ambayo ni muhimu, lakini kushughulikia mada kwa ufanisi, tunaitwa pia kutambua upendeleo wetu. Njia bora ya kuelewa ninachomaanisha na hii ni kukagua Vipngele vitatu vya Kazi. Wengi wetu ni wanaume. Lakini wanaume na wanawake wanapokea ubatizo sawa na Roho yule yule. Ubatizo wa wanawake sio duni kuliko ubatizo wa wanaume. Tunawezaje kuhakikisha kwamba wanawake wanahisi wao ni sehemu muhimu ya Kanisa hili la kimisionari? Je, sisi wanaume tunatambua utofauti na utajiri wa karama ambazo Roho Mtakatifu amewapa wanawake? Au kwamba jinsi tunavyotenda mara nyingi hutegemea elimu yetu ya zamani, malezi na uzoefu wa familia yetu, au ubaguzi na mila potofu ya utamaduni wetu? Je, tunahisi kutajirika au kutishwa tunaposhiriki utume wetu wa pamoja na wakati wanawake wanawajibika pamoja katika utume wa Kanisa, kwa msingi wa neema ya Ubatizo wetu wa pamoja?
Sehemu ya kazi ya mwisho inahusu Maaskofu, ambao huduma yao kwa mapenzi ya Bwana inaunda ushirika wa Kanisa. Je, inapaswa kufanywa upya na kukuzwa vipi ili itumike kwa njia inayofaa kwa Kanisa la Sinodi? Wengi wetu hapa ni maaskofu. Swali hili haliwezi ila kutupa changamoto kwa namna fulani, kwa sababu jibu litakuwa na athari ya moja kwa moja kwa maisha yetu ya kila siku, juu ya jinsi tunavyosimamia wakati wetu, juu ya vipaumbele vya ajenda yetu, juu ya matarajio ya Watu wa Mungu kuelekea sisi. na jinsi tunavyofikiria utume wetu. Ni lazima tufahamu vyema kiwango na ukubwa wa ushiriki wetu. Na tunapohusika sana katika swali fulani au ukweli, tunahitaji hata zaidi ujasiri wa kuchukua hatua nyuma ili kuwasikiliza wengine kihalisi, kutoa nafasi ndani yetu kwa neno lao na kuuliza kile ambacho Roho anapendekeza kwetu kupitia hayo. Hii inatumika kwa jinsi tunavyowasikiliza wale ambao si maaskofu na ambao kwa hiyo wana mtazamo tofauti, lakini pia kwa maaskofu wengine kwa sababu, mwisho, kila mmoja wetu ana njia yake ya kuwa askofu. Kushiriki uzoefu wetu wenyewe wa uaskofu na jinsi hii imebadilika baada ya muda inaweza kuwa msaada mkubwa.
Kutengeza nafasi kwa maneno ya kila mmoja wetu ni lengo ambalo ni lazima tuendelee kusitawisha katika siku hizi, kadiri njia ya mazungumzo katika Roho inavyozidi kufahamika kwetu. Wawezeshaji wanaripoti kuwa kwa wastani Vikundi vidogo wana wakati mgumu zaidi wakati wa mzunguko wa pili. Huu ndio wakati hasa ambapo kila mtu anaitwa kwa muda kuweka kando maoni yake, mawazo yake mwenyewe, ili kuzingatia sauti ambayo kwa kusikiliza wengine huibua ndani yao. Sio kurefusha mzunguko wa kwanza, lakini fursa ya kufungua kitu kipya, kitu ambacho labda hatujawahi kufikiria kwa njia hiyo. Hii ndiyo zawadi ambayo Roho ameweka kwa ajili ya kila mmoja wetu. Umakini sawa wa kusikiliza lazima uendelee wakati wa Makutano Mkuu: kama vile tulivyokumbushwa mara kwa mara katika siku chache zilizopita, uingiliaji kati wa bure unapaswa kuelezea ufahamu wa pamoja na vikundi mara moja kabla. Kwa sababu hii, itakuwa muhimu kwamba ripoti za Vikundi vidogo vidogo na uingiliaji kati wa wanahabari zinazidi kuwasilisha hoja za muunganisho na mgawanyiko, lakini juu ya maswali yote ya kuchunguzwa na mapendekezo ya hatua madhubuti za kuchukuliwa wakati ujao. mwaka.
Kama tulivyoona, katika vipengele hivyo tunagusia baadhi ya mambo muhimu ya Sinodi yetu. Tusitoe majibu ya haraka ambayo hayazingatii vipengele vyote vya maswali haya magumu. Tuna wataalimungu ambao tunaweza kushauriana, na tuna wakati wa kuomba na kuchunguza maswali tunayotambua sasa ili kufikia hitimisho katika kipindi cha pili cha Oktoba 2024. Kwa kuhitimisha alisema kuwa, Ninamshukuru Bwana kwa kila mmoja wetu, kwa uzoefu wetu binafsi, kwa kuishi huduma yetu, kwa kutembea na Kristo katika nyakati ambazo ni zetu. Pia ninawashukuru wale wanaotusaidia kuendeleza tafakari hii: Mama Ignazia Angelini pamoja na umairi wake wa Biblia, Profesa Carlos Galli mwenye umairi wa kitaalimungu na wale ambao watatoa ushuhuda wao baada yao. Zote hizo zinatusaidia kuingia ndani zaidi katika mada na maswali na, zaidi ya yote, kuziweka kwa kuzingatia kile tunachosikia katika kipindi hiki cha utangulizi, kila mtu katika vikundi vidogo alasiri. Ninamtakia kila mmoja wetu na sisi sote kama Kusanyiko wakati wa matunda wa kumsikiliza Roho, alihitimisha.
