Vatican:Takwimu za Kanisa Katoliki 2023 katika fursa ya Siku ya Kimisionari duniani

Na Angella Rwezaula, - Vatican.

Shirika la Kipapa la Habari za Kimisionari Fides, katika muktadha wa kuelekea kilele cha Siku ya 97 Kimisionari duniani limechapisha takwimu za Kanisa Katoliki kwa mwaka 2023. Takwimu hizo zimechukuliwa kutoka katika takwimu za hivi karibuni  katika  “Kitabu cha Mwaka cha Takwimu za Kanisa” kilichochapishwa (na kusasishwa tarehe 31 Desemba 2021) na kinahusu washiriki wa Kanisa, miundo ya kichungaji, shughuli katika nyanja za afya, ustawi na elimu. Hatimaye, muhtasari wa mada za kikanisa zilizokabidhiwa kwa Baraza la Kipapa la Uinjilishaji zinaoripotiwa. Kwa hiyo kufikia tarehe 31 Desemba 2021, idadi ya watu duniani ilikuwa watu 7,785,769,000, ongezeko la vitengo 118,633,000 ikilinganishwa na mwaka 2021. Ongezeko hilo la kimataifa pia linajumuisha  mabara yote mwaka huu, isipokuwa Ulaya.

Miito kwa upande wa Afrika ya kitawa na ya upadre inaongezeka na kupungua barani Ulaya

Katika tarehe hiyo hiyo ya 31 Desemba 2021, idadi ya Wakatoliki ilikuwa sawa na watu 1,375,852,000 na ongezeko la jumla la Wakatoliki 16,240,000 ikilinganishwa na mwaka uliookuwa umepita. Ongezeko hilo linaathiri mabara yote, isipokuwa Ulaya (-244,000). Kama ilivyokuwa hapo awali, kuna mabadiliko mengi  zaidi barani Afrika (+8,312,000) na Amerika (+6,629,000), ikifuatiwa na Asia (+1,488,000) na Visiwa vya Australia  (+55,000). Asilimia ya kimataifa ya Wakatoliki ilipungua kidogo (-0.06) ikilinganishwa na mwaka uliopita, na ni sawa na 17.67%. Kuhusu mabara, tofauti ni ndogo. Jumla ya idadi ya Maaskofu duniani ilipungua kutoka vitengo 23, na kufikia 5,340. Idadi ya maaskofu wa majimbo (-1) na maaskofu watawa (-22) ilipungua. Maaskofu wa majimbo  ni 4,155, huku Maaskofu Watawa ni 1,185.

Waseminari wa Chuo Kikuu cha Kipapa cha Urubaniana, Roma

Idadi ya mapadre ulimwenguni ilipungua, na kufikia 407,872 (-2,347). Ulaya kwa mara nyingine tena ilirekodi upungufu mkubwa (-3,632), kuongeza Amerika (-963). Ongezeko hilo limerekodiwa barani Afrika (+1,518), Asia (+719) na Visiwa vya Oceania  na Australia (+11). Mapadre wa Majimbo  duniani walipungua duniani kote kwa vitengo 911, na kufikia idadi ya 279,610. Mapadre watawa, walipungua jumla kwa vitengo 1,436 hadi  kufikia128,262. Mashemasi wa kudumu duniani wanaendelea kuongezeka, mwaka huu  kwa vitengo 541, na kufikia idadi ya 49,176. Ongezeko hilo lilitokea katika mabara yote: Afrika (+59), Amerika (+147), Asia (+58), Ulaya (+268) na Oceania (+9).

Idadi ya Makatekista na mabruda barani Afrika pia inaongezeka

Mabruda  walipungua kwa vitengo 795, na kufikia idadi ya 49,774. Upungufu huo ulirekodiwa Amerika (-311), Ulaya (-599) na Oceania (-115). Wanaongezeka katika Afrika (+205) na Asia (+25). Mwenendo huo  wa kupungua kwa watawa duniani ambao umekuwa ukiendelea kwa muda umethibitishwa, wakati huu ukifikia idadi ya vitengo 10,588 ikilinganishwa na utafiti wa mwaka uliopita. Kuna jumla ya watawa wa kike 608,958. Ongezeko limeandikwa, kwa mara nyingine tena, katika Afrika (+2,275) na Asia (+366), na kupungua Ulaya (-7,804), Amerika (-5,185) na Oceania (-240).

Idadi ya waseminari katika Seminari Kuu za majimbo na za kitawa, ilipungua kwa ujumla katika vitengo 1,960 mwaka huu, na kufikia idadi ya 109,895. Ongezeko hilo limerekodiwa barani Afrika tu  (+187),  na kupungua Amerika (-744), Asia (-514), Ulaya (-888) na Oceania (-1). Kwa hiyo jumla ya waseminari Ndogo  za majimbo na za kitawa  waliongezeka kwa vitengo 316, na kufikia idadi ya 95,714. Walipungua katika bara la: Amerika (-372), Asia (-1,216), Ulaya (-144) na Oceania na visiwa vyake (-5), wakati kuna ongezeko kubwa pekee lilirekodiwa katika bara la Afrika (+2,053).

Waseminari katika Seminari Ndogo barani Afrika wanaongezeka

Katika nyanja ya elimu, Kanisa linasimamia shule za chekechea (Awali) 74,368 duniani kote zinazohudhuriwa na wanafunzi 7,565,095; shule za msingi 100,939 kwa wanafunzi 34,699,835; Shule za sekondari 49,868 kwa wanafunzi 19,485,023. Zaidi ya hayo, inafuatia wanafunzi 2,483,406 wa shule ya High School na wanafunzi 3,925,325 wa vyuo vikuu.

Siku ya Kimisionari Duniani ,mioyo inayowaka na miguu itembeayo

Taasisi za afya, upendo na misaada zinazosimamiwa na Kanisa Katoliki duniani ni pamoja na: hospitali 5,405, zahanati 14,205, hospitali za watu wenye ukoma 567, nyumba za wazee 15,276, wagonjwa wa kudumu na walemavu, vituo 9,703 vya watoto yatima, 10,567, vituo vya ushauri  na ndoa 10. Vituo 3,287 vya elimu ya jamii au elimu mpya na taasisi za kijamii 35,529 za aina nyinginezo. Mamlaka za kikanisa zinazotegemea  Baraza la Kipapa la Uinjilishaji (Sehemu ya Uinjilishaji wa kwanza na Makanisa mapya hasa) ni 1,121 kwa ujumla, kulingana na mabadiliko ya hivi karibuni yaliyorekodiwa. Nyaraka nyingi za kikanisa zilizokabidhiwa kwa Baraza la Kipapa Afrika ni (523) na Asia (481),Amerika (71) na Oceania/ visiwa vyake  (46) wanafuata.